குஜராத் அணிக்கு எதிரான போட்டியில் 2 விக்கெட்டுக்கள் வித்தியாசத்தில் டெல்லி அணி வெற்றிபெற்றது. இரண்டு அணிகளும் பிளே ஓவ் சுற்றுக்கு முன்னே றும் வாய்ப்பை இழந்திருந்த நிலையில் நேற்றைய போட்டியில் மோதியிருந்தன.
கான்பூரில் நேற்று நடைபெற்ற ஐ.பி.எல். தொடரின் 50ஆவது லீக் போட்டியில் டெல்லி டேர்டெவில்ஸ் -– குஜராத் லயன்ஸ் அணிகள் மோதின. இந்தப் போட்டியில் நாணயச் சுழற்சியில் வெற்றிபெற்ற டெல்லி அணி முதலில் பந்துவீச்சை தேர்வு செய்தது.
அதன்படி களமிறங்கிய குஜராத் அணியின் ஆரோன் பிஞ்ச் மற்றும் தினேஷ் கார்த்திக் ஜோடியின் அதிரடியால் 195 ஓட்டங்களைக் குவித்தது.
குஜராத் அணியின் தொடக்க வீரர்களாக ஸ்மித்,- இஷான் கிஷான் ஆகியோர் களமிறங்கினர். தொடக்கத்தில் இருந்தே டெல்லி அணி பந்துவீச்சாளர்கள் ஆதிக்கம் செலுத்தினர். முகமது ஷமி வீசிய 4ஆவது ஓவரில் ஸ்மித் 8 ஓட்டங்கள் எடுத்த நிலையில் ரன் அவுட் ஆனார். அடுத்து களமிறங்கிய அணித் தலைவர் சுரேஷ் ரெய்னாவும் 6 ஓட்டங்களுடன் ஆட்டமிழந்தார்.
பின்னர் இஷான் கிஷானுடன் - தினேஷ் கார்த்திக் நிதானமாக விளையாடி அணியின் ஓட்ட எண்ணிக்கையை படிப்படியாக உயர்த்தினார். குஜராத் அணியின் ஓட்ட எண்ணிக்கை 56 என்ற நிலையில் இருந்தபோது, அமித் மிஷ்ரா வீசிய 7ஆவது ஓவரில் இஷான் கிஷான் 34 ஓட்டங்களுடன் ஆட்டமிழந்தார்.
அடுத்து களமிறங்கிய பிஞ்ச் - தினேஷ் கார்த்திக்குடன் ஜோடி சேர்ந்து அதிரடியாக விளையாடினர். குஜராத் அணி 17ஆவது ஓவர்களில் 148 ஓட்டங்கள் எடுத்திருந்த நிலையில் தினேஷ் கார்த்திக் 40 ஓட்டங்களுடன் பிராத்வெயிட் பந்தில் ஆட்டமிழந்தார். அடுத்து ரவீந்திர ஜடேஜா களமிறங்கினார். இதே ஓவரின் அடுத்த பந்தில் ஆரோன் பிஞ்ச் சிக்சர் அடித்து அரைச் சதம் கடந்தார்.
ஆரோன் பிஞ்ச் 69 ஓட்டங்களை எடுத்திருந்தபோது சமியின் பந்துவீச்சில் ஆட்டமிழக்க, 20 ஓவர்கள் முடிவில் குஜராத் அணி 5 விக்கெட்டுக்களை இழந்து 195 ஓட்டங்களைக் குவித்தது. இதையடுத்து 196 ஓட்டங்கள் எடுத்தால் வெற்றி என்ற இலக்குடன் டெல்லி அணி களமிறங்கியது.
டெல்லி அணியின் ஐயர் அதிரடியாக ஆடி 96 ஓட்டங்களை விளாச, அவருக்கு துணையாக நாயர் (30), கம்மின்ஸ் (24) ஓட்டங்களை எடுக்க 19.4 ஓவர்களில் 8 விக்கெட்டுக்களை இழந்து 197 ஓட்டங்களை விளாசி வெற்றியீட்டியது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM