தவறவிடாதீர்கள்..!உடனே பதிவு செய்யுங்கள்

மத்திய மாகாண விளையாட்டு, இளைஞர் விவகாரங்கள், மகளிர் விவகாரங்கள், கிராம அபிவிருத்தி மற்றும் கைத்தொழில்த்துறை தொடர்பான அமைச்சுப் பதவியிலிருந்து இராஜினாமா செய்த பிரமித்த பண்டார தென்னகோனின் வெற்றிடத்தை நிரப்பும் வகையில், மாகாண அமைச்சு பதவிக்கு மத்திய மாகாண சபை உறுப்பினரான திலின பண்டார தென்னகோன் நியமிக்கப்பட்டுள்ளார்.

ஜனாதிபதி மைத்ரிபால சிறிசேனவினால் இதற்கான நியமனக் கடிதம் திலின பண்டார தென்னகோனவிற்கு வழங்கப்பட்டது. 

ஜனாதிபதி செயலகத்தில் நேற்று பிற்பகல் நியமனக் கடிதம் வழங்கப்பட்டதுடன், இந்நிகழ்வில் அமைச்சர்களான நிமல் சிறிபால டி சில்வா, மஹிந்த அமரவீர, துமிந்த திசாநாயக்க ஆகியோரும் மத்திய மாகாண முதலமைச்சர் சரத் ஏக்கநாயக்க, மத்திய மாகாண ஆளுநர் நிலுக்கா ஏக்கநாயக்க ஆகியோரும் கலந்துகொண்டனர்.