இலங்கைக் கிரிக்கெட் அணியின் வேகப்பந்து வீச்சு பயிற்சியாளராக தென்னாபிரிக்க அணியின் முன்னாள் நட்சத்திர வேகப்பந்து வீச்சாளரான அலன் டொனால்ட் நியமிக்கப்பட்டுள்ளார்.
இந்த அறிவித்தலை இலங்கைக் கிரிக்கெட் நிறுவனம் நேற்று உத்தியோகபூர்வமாக அறிவித்தது.
எதிர்வரும் ஜுன் மாதம் இங்கிலாந்தில் நடைபெறவுள்ள சம்பியன்ஸ் கிண்ணக் கிரிக்கெட் தொடர் வரையே அலன் டொனால்ட் இலங்கை அணிக்கு ஆலோசகராக செயற்படவுள்ளதாகவும் தெரிவிக்கப்பட்டுள்ளது.
தற்போது 50 வயதாகும் அலன் டொனால்ட் தென்னாபிரிக்க அணியில் 1992ஆம் ஆண்டு மேற்கிந்தியத் தீவுகளுக்கு எதிரான டெஸ்ட் போட்டியில் அறிமுகமானார். 12 வருடங்கள் கிரிக்கெட் அரங்கில் கோலோச்சிய அலன் டொனால்ட் 72 டெஸ்ட் போட்டிகளில் விளையாடி 330 விக்கெட்டுக்களை வீழ்த்தியுள்ளார். இதில் 3 முறை பத்து விக்கெட்டுக்கள் வீதமும் 20 முறை ஐந்து விக்கெட்டுக்கள் வீதமும் அலன் டொனால்ட் வீழ்த்தியுள்ளார்.
164 ஒருநாள் போட்டிகளில் விளையாடியுள்ள டொனால்ட் 272 விக்கெட்டுக்களை வீழ்த்தியுள்ளார். இதில் இரண்டு முறை 5 விக்கெட்டுக்கள் வீதமும்இ 11 முறை நான்கு விக்கெட்டுக்கள் வீதமும் வீழ்த்தியுள்ளார்.
கடைசியாக 2015 ஆம் ஆண்டு நடைபெற்ற உலகக் கிண்ணத்தின்போது தென்னாபிரிக்க அணியின் வேகப்பந்து வீச்சு ஆலோசகராகவும் அவர் செயற்பட்டிருந்தமை குறிப்பிடத்தக்கது.
இந்நிலையில் இலங்கை அணியின் வேகப்பந்து வீச்சு ஆலோசகராக குறுகிய காலத்திற்கு அலன் டொனால்ட் நியமிக்கப்பட்டுள்ளார்.
ஐ.சி.சி. சம்பியன்ஸ் கிண்ணக் கிரிக்கெட் தொடர் நடைபெறவுள்ள இங்கிலாந்து மைதானங்கள் வேகப்பந்து வீச்சுக்கு சாதகமாக இருக்கும் என்பதால் இலங்கை அணியின் வேகப்பந்து வீச்சை மேலும் வலுப்படுத்தும் நோக்கிலேயே அலன் டொனால்ட் நியமிக்கப்பட்டுள்ளார்.
சம்பியன்ஸ் கிண்ணத்திற்காக இங்கிலாந்து செல்லும் இலங்கை ஒரு நாள் அணியில் 2 வருடங்களுக்குப் பிறகு லசித் மலிங்க சேர்க்கப்பட்டுள்ளமை
குறிப்பிடத்தக்கது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM