தவறவிடாதீர்கள்..!உடனே பதிவு செய்யுங்கள்

ஐ.பி.எல்.தொடரின் நேற்றைய போட்டியில் பூனே அணியை எதிர்கொண்ட கொல்கத்தா அணி 7 விக்கட்டுகளால் வெற்றிபெற்றது.

இந்த போட்டியில் முதலில் துடுப்பெடுத்தாடிய பூனே அணி 20 ஓவர்கள் நிறைவில் 5 விக்கட்டுகளை இழந்து 182 ஓட்டங்களை பெற்றுக்கொண்டது.

பூனே அணி சார்பில் அணித்தலைவர் ஸ்மித் 51 ஓட்டங்களையும், ரஹானே 46 ஓட்டங்களையும் பெற்றுக்கொண்டனர்.

பந்துவீச்சில் குல்டீப் யாதவ் 2 விக்கட்டுகளை கைப்பற்றினார்.

இந்நிலையில் பதிலுக்கு துடுப்பெடுத்தாடிய கொல்கத்தா அணி ரொபின் உத்தப்பாவின் அதிரடியின் உதவியுடன் 18.1 ஓவர்களில் 3 விக்கட்டுகளை இழந்து வெற்றியிலக்கை அடைந்தது.

அதிரடியாக துடுப்பெடுத்தாடிய ரொபின் உத்தப்பா 47 பந்துகளில் 87 ஓட்டங்களை பெற்றுக்கொண்டார்.

இதேவேளை போட்டியின் சிறப்பாட்டக்காரராகவும் ரொபின் உத்தப்பா தெரிவுசெய்யப்பட்டார்.

இந்த போட்டியின் முடிவின்படி புள்ளிப்பட்டியலில் 12 புள்ளிகளுடன் கொல்கத்தா முதலாவது இடத்துக்கு முன்னேறியுள்ளதுடன், பூனே 8 புள்ளிகளுடன் 4 ஆவது இடத்திலும் உள்ளன.