தவறவிடாதீர்கள்..!உடனே பதிவு செய்யுங்கள்

பிரித்தானிய மகாராணி எலிசபத்தின் 91 ஆவது பிறந்தநாள் நேற்று கொண்டாடப்பட்டுள்ளது. 

பிரித்தானிய மகாராணியின் 91 ஆவது பிறந்தநாளை ஒட்டி, உத்தியோகபூர்வ வாசஸ்தலமான  பக்கிங்காம் அரண்மனையில் குடும்பத்தினருடன் கொண்டாடியுள்ளார்.

மேலும் 1926 ஆம் ஆண்டு பிறந்த எலிசபத், தந்தை 4ஆம் ஜோர்ஜின் மறைவிற்கு பிறகு 1952ஆம் ஆண்டு பிரித்தானிய மகாராணியாக முடிசூட்டப்பட்டார். 

அத்தோடு உலகிலுள்ள மன்னர் மற்றும் மகாராணிகளில் இவரே மிக வயதானவர் எனும் பெருமையை பெறுவதோடு, பிரித்தானிய அரச குடும்பத்தில் முடிசூட்டப்பட்டவர்களில் மிக நீண்ட நாட்கள் மகாராணியாக வலம் வருபவர் எனும் பெருமையை பெற்று கடந்த 65 வருடங்களாக மகாராணியாக பதவி வகித்து வருகிறார்.

மகாராணி எலிசபெத்தின் ஆட்சுச்சி காலத்தில் இதுவரை அவர் 13 பிரித்தானிய பிரதமர்கள், 12 அமெரிக்கா ஜனாதிபதிகளை சந்தித்துள்ளதோடு, சுமார் 10 இலட்சத்து 60 ஆயிரம் கிலோ மீற்றர்கள் பயணம் செய்து 106 நாடுகளுக்கு சுற்றுப்பயணம் மேற்கொண்டுள்ளார் என்பது குறிப்பிடத்தக்கது.