தவறவிடாதீர்கள்..!உடனே பதிவு செய்யுங்கள்

குடியிருப்புக் கட்டடம் ஒன்றினுள் புகுந்த திருடியை மக்கள் கட்டிவைத்து அடித்த சம்பவம் மும்பை, விரார் பகுதியில் இடம்பெற்றுள்ளது.

குறித்த கட்டடத்தினுள் இரவு நேரம் புகுந்த 25 வயது மதிக்கத்தக்க அந்தப் பெண், மூடியிருந்த வீட்டுக் கதவுகளைத் திறந்து, முன்புறம் இருந்த பொருட்கள் சிலவற்றைத் திருட முயற்சித்ததாகக் கூறப்படுகிறது.

எனினும், முன்பின் பார்த்திராத ஒரு பெண் தமது குடியிருப்பினுள் புகுந்ததைக் கண்ட குடியிருப்புவாசி ஒருவர், பெண்ணைக் கையும் களவுமாகப் பிடித்தார். எனினும் அப்பெண் அவரிடமிருந்து தப்பியோட முயற்சித்தனால், குடியிருப்புவாசி பலமாகக் குரல் கொடுத்துள்ளார்.

உடனே அங்கு திரண்ட மக்கள் அந்தப் பெண்ணை கட்டட வாசல் கதவில் கட்டிவைத்து உதைத்தனர்.

இதையடுத்து தனது குற்றத்தை ஒப்புக்கொண்ட அந்தப் பெண்ணை மக்கள் பொலிஸாரிடம் ஒப்படைத்தனர். எனினும், ஒருவரும் அப்பெண் மீது புகார் கொடுக்க முன்வராததால், அப்பெண்ணை எச்சரித்து விடுதலை செய்தனர் பொலிஸார்.