பிரித்தானியாவின் வான்பரப்பில் முகில்களால் தோன்றிய இராட்சத வடிவங்களால் மக்கள் மத்தியில் பரபரப்பு ஏற்பட்டுள்ளது.

பிரித்தானியாவின் மான்செஸ்டர் பகுதியில் வான்பரப்பில் தோன்றிய வடிவங்கள் கடவுளின் கை உருவம் மற்றும் கால்கள் எனக் கூறப்படுகின்றது. 

குறித்த வடிவம் நேற்று மாலை சூரியன் மறையும் வேளையில் தோன்றியதாகவும், தங்க நிறத்தில் அழகான தோற்றத்துடன் காணப்பட்டதாகவும், அதன் காரணமாக அது கடவுளின் கையை ஒத்ததாக இருப்பதாக அந்நாட்டு ஊடகங்கள் செய்தி வெளியிட்டுள்ளமை குறிப்பிடத்தக்கது.

மேலும், நோர்த் யோக்சேர் பகுதியில் கால்கள் இரண்டு நடந்து செல்வது போன்ற மாபெரும் வடிவமும் தோன்றியமை குறிப்பிடத்தக்கது.

அந்தவகையில், குறித்த முகில் வடிவமைப்பானது சர்வதேச உலக வானிலை தினத்தின் 11 புதிய வானிலைகள் பட்டியலில் (international Cloud Atlas) சேர்க்கப்பட்டுள்ளதாக சர்வதேச ஊடகங்கள் செய்திகள் வெளியிட்டுள்ளன.