வவுனியா புளியங்குளம் பகுதியில் இன்று (24) காலை 6.05 மணியளவில் 19 கிலோ 762 கிராம் கேரளா கஞ்சாவுடன் சந்தேக நபர் ஒருவரை கைதுசெய்துள்ளதாக வவுனியா மதுவரி அத்தியட்சகர் எஸ். செந்தூர் செல்வன் தெரிவித்துள்ளார். 

இது குறித்து அவர் மேலும் தெரிவிக்கையில், 

இன்று காலை தமது திணைக்களத்திற்குக் கிடைத்த தகவல் ஒன்றின் அடிப்படையில் மேற்கொள்ளப்பட்ட  சோதனையின் போதே குறித்த கைது நடவடிக்கை முன்னெடுக்கப்பட்டுள்ளது.

யாழ்ப்பாணத்திலிருந்து கடத்திவரப்பட்ட குறித்த கேரள கஞ்சா புளியங்குளம் - நெடுங்கெணி பஸ் தரிப்பிடத்தில் நின்றிருந்த நபரொருவரின் பயணப்பொதியிலிருந்து மீட்கப்பட்டது.

கைதுசெய்யப்பட்டவர் வல்வெட்டித்துறைப் பகுதியைச் சேர்ந்த 21 வயதுடைய நபர் என தெரிவிக்கப்பட்டுள்ளது.

இந்நிலையில் குறித்த நபரை விசாரணைகளின் பின்னர் நீதவான் நீதிமன்றில் ஆஜர்படுத்தவுள்ளதாக  மதுவரி அத்தியட்சகர் தெரிவித்தார்.