தவறவிடாதீர்கள்..!உடனே பதிவு செய்யுங்கள்

வவுனியா செட்டிக்குளம் இலுப்பக்குளத்தில் அமைந்துள்ள பிரபல பாடசாலையொன்றில்  இன்று காலை 8.30 மணியயளவில் பெற்றோர் ஒருவரால் ஆசிரியரொருவர் தாக்கப்பட்ட சம்பவமொன்று இடம்பெற்றுள்ளது.

இச் சம்பவம் குறித்து மேலும் தெரியவருகையில்,

கடந்த 13.03.2017 அன்று வவுனியா நகரசபை மைதானத்தில் விளையாட்டுப்போட்டியொன்று இடம்பெற்றது.

இவ் விளையாட்டு போட்டியில்  மாணவியொருவர் இளைஞனொருவனுடன் தனிமையில் கதைத்துக் கொண்டுள்ளார்.

இதனை கண்ணுற்ற ஆசிரியர் குறித்த மாணவியின் பெற்றோரை அழைத்து இவ்விடயத்தினை தெரிவித்துள்ளார். இதன் பின்னர் குறித்த மாணவியின் செயற்பாடுகளில் அதிருப்தியடைந்த ஆசிரியர் மீண்டும் பெற்றோரை அழைத்து குறித்த மாணவியின் செயற்பாடுகள் தொடர்பில் முறையிட்டுள்ளார்.

ஆசரியரின் முறைப்பாட்டை ஏற்றுக்கொண்டு சென்ற பெற்றோர் இன்று காலை 8.30 மணியளவில் அதிபரை சந்தித்துள்ளார். இந்நிலையில் அதிபருக்கு அருகே நின்ற குறித்த ஆசிரியரை சரமாரியாக தாக்கியுள்ளார்.

சம்பவ இடத்திற்கு விரைந்த மாங்குளம் பொலிஸார் விசாரணைகளை மேற்கொண்டதுடன் இவ்விடயம் தொடர்பாக செட்டிக்குளம் பொலிஸாருக்கும் தகவல் வழங்கப்பட்டுள்ளதாகவும் மேலதிக விசாரணைகளை முன்னெடுத்துள்ளனர்.