தவறவிடாதீர்கள்..!உடனே பதிவு செய்யுங்கள்

இலங்கை - பங்களாதேஷ் அணிகளுக்கிடையிலான இரண்டாவது டெஸ்ட் போட்டியில் பங்களாதேஷ் அணியின் முன்னணி வீரர் மொஹமதுல்ல விளையாடமாட்டார் என தெரிவிக்கப்பட்டுள்ளது.

குறித்த விடயத்தினை பங்களாதேஷ் கிரிக்கெட் சபையின் தலைவர் கலீட் முஹமது தெரிவித்துள்ளார்.

இவர் இறுதியாக இடம்பெற்ற காலி டெஸ்ட் போட்டியில் 8 மற்றும் 0 என்ற துடுப்பாட்டத்தை வெளிப்படுத்தினார். பந்துவீச்சில் இரண்டு ஓவர்களை மாத்திரமே வீசியிருந்தார்.

இந்நிலையில் இவர் அணியிலிருந்து நீக்கப்பட்டுள்ளதுடன்,  மொஹமதுல்ல நாடு திரும்பவுள்ளதாகவும் தெரிவிக்கப்பட்டுள்ளது.

அடுத்த டெஸ்ட் போட்டி கொழும்பில் எதிர்வரும் 15 ஆம் திகதி ஆரம்பமாகவுள்ளதுடன், இது பங்களாதேஷ் அணியின் 100 ஆவது டெஸ்ட் போட்டி என்பது குறிப்பிடத்தக்கது.

எவ்வாறாயினும் பங்களாதேஷ் அணியின் முன்னணி வீரரான மொஹமதுல்லவுக்கு அணியின் 100 ஆவது டெஸ்ட் போட்டியில் விளையாட முடியாது என்பது ஏமாற்றம்தான்.