மேற்குலக நாடுகளில் தாக்குதல்களை நடத்தும் முகமாக ஐ.எஸ். தீவிரவாதிகள் சாரதி இல்லாமல் செலுத்தப்படக் கூடிய வாகனங்களை உருவாக்கி வருவதாக தெரிவிக்கப்படுகிறது.
ஐ.எஸ். தீவிரவாதிகள் ஐரோப்பாவில் படுகொலைத் தாக்குதல்களை முன்னெடுக்கும் முகமாக விஞ்ஞானிகளையும் ஏவுகணை நிபுணர்களையும் பணிக்கு நியமித்துள்ளனர்.
சிரிய ரக்கா நகரிலுள்ள ஜிஹாதி பல்கலைக்கழகத்தில் தூர இருந்து இயக்கும் முறைமை மூலம் செயற்படும் பாரிய நாசத்தை விளைவிக்கும் நகரும் குண்டுகளாகப் பயன்படுத்தக் கூடிய வாகனங்களை உருவாக்கும் முயற்சி முன்னெடுக்கப்பட்டு வருகிறது.
இந்த சாரதியற்ற கார்களை உருவாக்குவதை வெளிப்படுத்தும் காணொளிக் காட்சிகளானது ஐரோப்பிய நாடுகளிலுள்ள தீவிரவாதிகளின் முகாம்களுக்கு கடத்தப்பட்ட பின்னர், அவற்றிலுள்ள அறிவுறுத்தல்களைப் பின்பற்றி அவர்களும் தமக்கென சொந்தக் கார் குண்டுகளை தயாரிக்கும் செயற்பாட்டில் ஈடுபடுவார்கள் என தெரிவிக்கப்படுகிறது.
ஐ.எஸ். தீவிரவாதிகளின் பயிற்சி போதனைகளை வெளிப்படுத்தும் 8 மணி நேர காணொளிக் காட்சிகளில் தீவிரவாதிகளின் ஆராய்ச்சி மற்றும் அபிவிருத்திப் பிரிவால் தயாரிக்கப்பட்ட தாக்குதல் சாதனங்கள் காண்பிக்கப்பட்டன.
அத்துடன் தீவிரவாதிகள் பயணிகள் ஜெட் விமானங்களைத் தாக்கக் கூடிய புதிய தொழில்நுட்பங்களையும் விருத்தி செய்யும் நடவடிக்கையில் ஈடுபட்டுள்ளனர்.
மேற்படி காணொளிக் காட்சியில் சாரதியற்று செலுத்தப்படக் கூடிய கார் உரிய இலக்கை நோக்கிச் சென்று எவ்வாறு பாரிய சேதத்தை விளைவிக்கும் என்பது உயர் தராதரத்துடன் படமாக்கப்பட்டு காட்சிப்படுத்தப்பட்டுள்ளதாக பிரித்தானிய இராணுவத்தின் ஆலோசகர்களில் ஒருவரான மேஜர் கிறிஸ் ஹன்டர் தெரிவித்துள்ளார்.
இந்தக் காணொளிக் காட்சி பெரிதும் அதிர்ச்சியளிப்பதாக உள்ளதாக அவர் கூறி னார். மேலும் அந்தக் காணொளிக் காட்சியில் ஐ.எஸ். தீவிரவாத குழுவைச் சேர்ந்த விஞ்ஞானிகள் தரையிலிருந்து வானுக்கு சென்று தாக்கும் ஏவுகணைகளுக்கான பற்றறிகளை தயாரிப்பதுவும் காட்சிப்படுத்தப்பட்டுள்ளது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM