தவறவிடாதீர்கள்..!உடனே பதிவு செய்யுங்கள்

கட்டுகுறுந்தை விபத்தில் உயிரிழந்த நால்வரின் சடலங்கள் நேற்று பேருவளை - மருதானை கடற்பரப்பில் கரை ஒதுங்கிய நிலையில், உயிரிழந்தவர்களின் எண்ணிக்கை 16 ஆக உயர்ந்துள்ளது.

மத நிகழ்வு ஒன்றின் பொருட்டு திருச்செரூபம் ஒன்றினை, பேருவளையில் இருந்து கடலுக்குள் கொண்டு சென்ற சுமார் 20 படகுகளைக் கொண்ட ஊர்வலத்தில் களுத்துறை, கட்டுகுறுந்தை கடலில் வைத்து ஒரு படகு கவிழ்ந்து விபத்துக்குள்ளானதில் உயிரிழந்தவர்களின் எண்ணிக்கை 16 ஆக உயர்ந்துள்ளது.

மேலும் நேற்று காலை, 7 மற்றும் 25 வயது மதிக்கத்தக்க ஆண்களின் சடலங்களும் கரையொதுங்கியதோடு, பிற்பகல் 23 வயது மதிக்கத்தக்க பெண்ணொருவரின் சடலமும் மீட்கப்பட்டது, அத்தோடு மாலை  13 வயதான பெண்ணொருவரின் சடலம் கரை ஒதுங்கிய நிலையில், குறித்த விபத்தில் உயிரிழந்தவர்களின் எண்ணிக்கை 16 என மீட்பு குழு அறிவித்துள்ளது.