உலகத் தமிழர் பூப்பந்தாட்ட (பாட்மின்டன்) சம்மேளனத்தினால் இவ் வருடம் ஏற்பாடு செய்யப்பட்டுள்ள நான்காவது உலகக் கிண்ணப் பூப்பந்தாட்டப் போட்டிகள் ஜெர்மனியில் எதிர்வரும் மார்ச் மாதம் 26ஆம், 27ஆம் திகதிகளில் நடைபெறவுள்ளன.
சுவிட்சர்லாந்தில் 2013இல் ஸ்தாபிக்கப்பட்ட உலகத் தமிழர் பூப்பந்தாட்ட சம்மேளனம், அவ் வருடத்திலிருந்து ஆண்டுதோறும் உலகக் கிண்ணப் பூப்பந்தாட்டப் போட்டிகளை நடத்திவருகின்றது. இப் போட்டிகள் தமிழர்கள் பரந்து வாழும் நாடுகளிலேயெ நடத்தப்பட்டு வருகின்றன.
சுவிட்சர்லாந்து, பிரான்ஸ், இங்கிலாந்து ஆகிய நாடுகளைத் தொடர்ந்து நான்காவது அத்தியாயம் ஜெர்மனியில் அரங்கேற்றப்படவுள்ளது.
டசல்டோர்வ் நகருக்கு அண்மையில் அமைந்துள்ள விலிச் 47877, ஷீவ்பாஹ்னர் ஸ்ட்ராசெ 10 என்ற முகவரியில் அமைந்துள்ள ஜேக்கப் ஃப்ரான்ட்ஸென் அரங்கில் இப் போட்டிகள் நடைபெறவுள்ளன.
12 வயதுக்குட்பட்ட சிறுவர், சிறுமியர், 16 வயதுக்குட்பட்ட இளைஞர், யுவதிகள் ஆகியோருக்கான ஒற்றையர், இரட்டையர் போட்டிகள், 20 வயதுக்குட்பட்ட இளைஞர்களுக்கான ஒற்றையர் போட்டிகள் என்பன நடைபெறவுள்ளன.
இதனைவிட சிரேஷ்ட பிரிவில் 40, 50, 60 வயதுக்கு மேற்பட்ட ஆண்களுக்கான ஒற்றயைர், இரட்டையர் போட்டிகள், 30 வயதுக்கு மேற்பட்ட பெண்களுக்கான ஒற்றையர், இரட்டையர் போட்டிகள், 40 வயதுக்கு மேற்பட்ட கலப்பு இரட்டையர் போட்டிகள் என்பனவும் நடத்தப்படும்.
அத்துடன் பணப்பரிசுகளைக் கொண்ட ஆண், பெண் இருபாலாருக்குமான பகிரங்க ஒற்றையர், இரட்டையர், கலப்பு இரட்டையர் போட்டிகளும் நடைபெறும்.
இப் போட்டிகளில் பங்குபற்ற விரும்புவோர் www.wtbf.net எனும் இணையத்தளத்தினூடாக விண்ணப்பப் படிவங்களைப் பெற்று விண்ணப்பிக்க முடியும். இப் போட்டிகளில் இலங்கையிலிருந்து பங்குபற்ற விரும்புவோர் உலகத் தமழிர் பூப்பந்தாட்ட சம்மேனத்தின் இலங்கை பிரதிநிதி கமலன் என்பவரை 077 8869000 என்ற தொலைபேசி இலக்கத்தில் தொடர்பு கொள்ளுமாறு கோரப்படுகின்றனர்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM