தவறவிடாதீர்கள்..!உடனே பதிவு செய்யுங்கள்

தம்புள்ளை ரங்கிரி சர்வதே கிரிக்கெட் மைதானத்தில் பணிபுரியும் பணியாளர்களின் போராட்டத்திற்கு ஆதரவாக இன்று மேலும் 5 மைதானப்பணியாளர்கள் இணைந்துள்ளனர்.

இன்று மூன்றாவது நாளாக தொடரும் இப் போராட்டத்தில் மேலும் 5 மைதானப்பணியாணர்கள் இன்று இணைந்து கொண்டுள்ளனர்.

சுமார் 10 வருடங்களுக்கு மேலாக குறித்த மைதானத்தில் பணிபுரியும் தம்மை நிரந்தர பணியாளர்களாக்க வேண்டும் எனக் கோரிக்கை விடுத்தே  இவர்கள் போராட்டத்தை முன்னெடுத்து வருகின்றனர்.

கடந்த 7 ஆம் திகதி முதல் 11 தம்புள்ளை மைதானத்தின் பணியாளர்கள் மைதானத்தின் பார்வையாளர் அரங்கின் கூரையின் மீது ஏறி நின்று உணவு தவிர்ப்பு போராட்டத்தில் ஈடுபட்டு வருகின்றனர்.

ஒப்பந்த அடிப்படையிலேயே தாம் பணிபுரிந்து வருவதாகவும் தங்களை நிரந்தர பணியாளர்களாக்கும் பட்சத்திலேயே ஆர்ப்பாட்டம் கைவிடப்படும் எனவும் அவர்கள் தெரிவித்திருந்தனர்.

இந்நிலையிலேயே இன்று மேலும் 5 மைதானங்களின் பணியாளர்கள் இப் போராட்டத்தில் இணைந்துள்ளமை குறிப்பிடத்தக்கது.