(க.கமலநாதன்)

வடக்கு கிழக்கில் இடம்பெற்ற சிவில் யுத்தம் முடிவுற்ற பின்னர் இன்றும் 4 ஆயிரம் புனர்வாழ்வளிக்கப்படாது விடுதலை புலிகள் இயக்கத்தின் முன்னாள் உறுப்பினர்கள் உள்ளனர் என பாதுகாப்பு மையம் தெரிவிக்கின்றது.

ஆனால் இவர்கள் தமிழ் தேசிய கூட்டமைப்பின் பராளுமன்ற உறுப்பினர் எம்.ஏ. சுமந்திரனை கொலை செய்யும் முயற்சியில் முன்னால் விடுதலை புலிகள் இயக்க உறுப்பினர்கள் தொடர்புபட்டிருப்பர் என்பதை ஏற்றுக்கொள்ள முடியாதெனவும் பாதுகாப்பு அமைச்சின் செயலாளர் கருணாசேன ஹெட்டியராச்சி தெரிவித்தார்.

தமிழ் தேசிய கூட்டமைப்பின் பாராளுமன்ற உறுப்பினர் எம்.ஏ. சுமந்திரனை கொலை செய்வதற்கு முன்னாள் விடுதலை புலிகள் இயக்க நால்வர் திட்டமி்ட்டுள்ளதாக தகவல்கள் வெளியாகியுள்ளமை குறித்து வினவிய போதே அவர் மேற்கண்டவாறு தெரிவித்தார்.

வடக்கில் குறித்த விவகாரம் தொடர்பில் கைது செய்யப்பட்ட இருவரிடம் பெறப்பட்ட வாக்குமூலத்தின் போதே  இந்த விடயம் தெரியவந்துள்ளதாக பாதுகாப்பு தலைமையகத்திற்கு தகவல் கிடைத்துள்ளது.

முன்னாள் ஜனாதிபதி மஹிந்த ராஜபக்சவின் காலத்தில் புனவர்வாழ்வளிக்கப்பட்டு 4 விடுதலை புலிகள் இயக்கத்தின் முன்னாள் உறுப்பினர்கள் நால்வரே இவ்வாறு திட்டம் தீட்டியிருந்தாகவும் இம்மாதம் 13, 20 மற்றும் 24 ஆம் திகதிகளில் இவர்கள் கொலை செய்ய முற்பட்டு அது சாத்தியப்படவில்லை என்றும் கூறப்படுகின்றது.

இருப்பினும் பாராளுமன்ற உறுப்பினர்களுக்கு பாதுகாப்பளிப்பது எமது பொறுப்பல்ல அதனால் பாராளுமன்ற உறுப்பினர் ஒருவருக்கு உயிரச்சுறுத்தல் உள்ளது எனும் போது அது தொடர்பில் பொலிஸார் தான் பாதுகாப்பு ஏற்பாடுகளை பலப்படுத்த வேண்டும்.

இவ்வாறிருக்கின்ற போது பாதுகாப்பு தலைமையக்கதின் தரவுகளின் பிரகாரம் யுத்தம் முடிவுற்று 6 வருடங்களுக்கு மேலாகியும் தற்போதும் புனர்வாழ்வளிக்கப்படாத முன்னாள் விடுதலை புலிகள் அமைப்பின் உறுப்பினர்கள் 4000 பேர் உள்ளனர் அவர்களால் தான் மேற்படி தமிழ் பாராளுமன்ற உறுப்பினர்களு்ககு எதிராக புலிகள் அமைப்பின் முன்னாள் உறுப்பினர்கள் கொலை அச்சுறுத்தல் விடுக்கின்றனர் என்று கூறப்படுகின்றது.

ஆனால் அது உண்மைக்கு புறம்பான விடயம் அவ்வாறு வெளியாகும் கருத்துக்களையும் ஏற்றுக்கொள்ள முடியாது. புனர்வாழ்வளிக்கப்பட்ட விடுதலை புலிகள் இயக்கத்தின் உறுப்பினர்கள் இந்த விவகாரத்தில் தொடர்புடவில்லை என்பதே எமது நிலைப்பாடாகும். அவர்கள் இவ்வாறன செயற்பாடுளில் ஈடுபட்டதாக பாதுகாப்பு மையத்திற்கும் தற்போது வரையில் தகவல்கள் கிடைக்கபெறவில்லை.

எவ்வாறாயினும் பாராளுமன்ற உறுப்பினர்களின் பாதுகாப்பு குறித்து பொலிஸார் அவதானம் செலுத்த வேண்டியது அவசியமாகும் என்றார்.