‘மக்கள் திலகம் எம்.ஜி.ஆரினால் ஆரம்பிக்கப்பட்ட அதிமுக என்னும் கட்சியானது கருத்து வேறுபாடுகளால் உடைந்து விடக் கூடாது. கட்சியை காப்பாற்றும் வகையில் தற்போது பொது செயலாளராக சசிகலா ஒருமனதாக தேர்தெடுக்கபட்டுள்ளார். அவருக்கு அனைவரும் ஆதரவளிக்க வேண்டும். மக்களுக்கு நல்லது செய்பவர்கள் யாரோ அவர்களை நாங்கள் ஆதரிப்போம். தொண்டர்கள் கருத்தே எங்கள் கருத்து.

எனவே எந்த காரணம் கொண்டும் கட்சி உடைவதோ, கொடி மற்றும் சின்னம் முடக்கப்படுவதோ நடக்கக் கூடாது. எம்.ஜி.ஆரின் ஆசை நிறைவேற்றபட வேண்டும். சசிகலா தற்போதுதான் தேர்தெடுக்கப்பட்டுள்ளார். அவருக்கு இன்னும் அவகாசம் உள்ளது. அதன் பிறகே அவர் எப்படி செயல்படுகிறார் என்பதை கணிக்க வேண்டும். சசிகலாவை நாங்கள்தான் ராமாவரம் தோட்டத்திற்கு அழைத்தோம். இதில் எந்த விதமான வதந்திகளுக்கும் இடம் இல்லை. மறைந்த முதல்வர் ஜெயலலிதாவின் மரணத்தில் எங்களுக்கு எந்த விதமான சந்தேகமும் இல்லை. இது தொடர்பாக தீபா கூறுவதெல்லாம் அவருடைய தனிப்பட்ட கருத்து’. என்றார் சுதா. இவர் எம்ஜிஆரின் வளர்ப்பு மகனான விஜயனின் மனைவியாவார்.

தகவல் : சென்னை அலுவலகம்