15 ஆயிரம் ஏக்கர் காணிகளில் கைத்தொழில் பேட்டைகளை ஆரம்பிக்கும் முதலீட்டு வலயத்திற்கான திறப்பு விழாவிற்கு நாளை7 ஆம் திகதி அனைத்து ஐக்கிய தேசியக் கட்சி பாராளுமன்ற உறுப்பினர்களும் கட்டாயம் அம்பாந்தோட்டைக்கு வருகை தர வரவேண்டும் என பிரதமர் ரணில் விக்கிரமசிங்க உத்தரவிட்டுள்ளார்.
அத்துடன் அம்பாந்தோட்டை விவகாரம் தொடர்பில் தவறான செய்திகள் மக்கள் மத்தியில் பரப்பப்படுகின்ற நிலையில் இது தொடர்பாக மக்கள் மத்தியில் உண்மை நிலவரத்தை தெளிவுபடுத்தும் நோக்கில் அகில விராஜ் காரியவசம் தலைமையில் ஐக்கிய தேசியக் கட்சி பாராளுமன்ற உறுப்பினர்களுக்கு அறிவுறுத்தும் விசேட கூட்டம் நேற்றைய தினம் நடத்தப்பட்டது. அத்துடன் இன்றைய தினம் ஐக்கிய தேசியக் கட்சி தொகுதி அமைப்பாளர்களுக்கு தெளிவுபடுத்த திட்டமிடப்பட்டுள்ளது.
அம்பாந்தோட்டை முதலீட்டு வலயம் மற்றும் துறைமுக விவகாரம் தொடர்பில் தவறான கருத்துக்கள் மக்கள் மத்தியில் பரப்பப்படுகின்றமையினால் நேற்று பி.ப 2.30 மணிக்கு ஐக்கிய தேசியக் கட்சியின் பாராளுமன்ற உறுப்பினர்கள் மத்தியில் தெளிவுறுத்தப்பட்டுள்ளது. கல்வி அமைச்சர் அகில விராஜ் காரியவசம் தலைமையில் இந்த கூட்டம் நடைபெற்றுள்ளது.
அத்துடன் இன்றைய தினம் ஐக்கிய தேசியக் கட்சியின் தொகுதி அமைப்பாளர்களுக்கு இந்த விடயம் தொடர்பில் தெளிவுறுத்தப்படவுள்ளதாக கல்வி அமைச்சர் அகில விராஜ் காரியவசம் கேசரிக்கு குறிப்பிட்டார். இதேவேளை நேற்று முன் தினம் நடைபெற்ற ஐக்கிய தேசியக் கட்சியின் செயற்குழு கூட்டத்தின் போது அம்பாந்தோட்டை துறைமுகம் மற்றும் முதலீட்டு வலயம் தொடர்பில் விசேட அவதானம் செலுத்தப்பட்டுள்ளது.
இதன்பிரகாரம் நான் ஐக்கிய தேசியக் கட்சியின் பாராளுமன்ற உறுப்பினர்களுக்கு நாளை 7 ஆம் திகதி அம்பாந்தோட்டைக்கு கட்டாயம் வருகைதர வேண்டும் என உத்தரவிட்டதாக அலரிமாளிகையில் நடைபெற்ற நிகழ்வின்போது ஊடகவியலாளர்களிடம் பிரதமர் ரணில் விக்கிரமசிங்க தெரி வித்தார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM