மறைந்த ஜெயலலிதாவின் உடலுக்கு நடிகர் விஜய் உள்ளிட்ட திரையுலகினரும், கி.வீரமணி உள்ளிட்ட அரசியல் பிரமுகர்களும் அஞ்சலி செலுத்தினர்.

சென்னை மவுண்ட் ரோட்டில் உள்ள ராஜாஜி அரங்கத்தில் வைக்கப்பட்டுள்ள ஜெயலலிதாவின் உடலுக்கு அரசியல் தலைவர்கள், திரையுலகினர் மற்றும் பொதுமக்கள் அஞ்சலி செலுத்தி வருகின்றனர்.

முதல்வர் ஜெயலலிதாவின் உடலுக்கு திராவிடர் கழக தலைவர் கி.வீரமணி அஞ்சலி செலுத்தினார். தமிழக காங்கிரஸ் கமிட்டி தலைவர் திருநாவுக்கரசர் அஞ்சலி செலுத்தினார்.

ஜெயலலிதா உடலுக்கு நடிகர் பிரபு தனது குடும்பத்தினருடன் வந்து மலர் வளையம் வைத்து அஞ்சலி செலுத்தினார். 

இதனிடையே , நடிகர்கள் ராதாரவி, மன்சூர் அலிகான் உள்ளிட்ட திரையுலகினர் ஜெயலலிதா அஞ்சலி செலுத்தி வருகின்றனர். ஜெயலலிதா மறைவையொட்டி தமிழ் திரைப்பட படப்பிடிப்புகள் ஒரு நாள் ரத்து செய்யப்பட்டுள்ளது.