இந்தியா, நியூ ஸிலாந்து 3 ஆவது ஒருநாள் போட்டியும் கைவிடப்பட்டது

Published By: Sethu

30 Nov, 2022 | 05:19 PM

இந்தியா, நியூ ஸிலாந்து அணிகளுக்கு இடையிலான ஒருநாள் சர்வதேச கிரிக்கெட் தொடரின் 3 ஆவது போட்டி மழை காரணமாக கைவிடப்பட்டது. இதனால் இத்தொடரில் நியூ ஸிலாந்து அணி 1:0 விகிதத்தில் வென்றுள்ளது.

கிறைஸ்ட்சேர்ச் நகரில் இன்று நடைபெற்ற 3 ஆவது போட்டியில் முதலில் துடுப்பெடுத்தாடிய இந்திய அணி 48 ஓவர்களில் 219 ஓவர்களுடன் சகல விக்கெட்களையும் இழந்தது.

பதிலுக்குத் துடுப்பெடுத்தாடிய நியூஸிலாந்து 18 ஓவர்களில் ஒரு விக்கெட் இழப்புக்கு 104 ஓட்டங்களைப் பெற்றிருந்த நிலையில் மழை குறுக்கிட்டது.

அதன்பின் மீண்டும் ஆட்டம் ஆரம்பிக்கப்படவில்லை. இப்போட்டியின் வெற்றி தோல்வியை தீர்மானிப்பதற்கு நியூ ஸிலாந்து குறைந்தபட்சம் 20 ஓவர்களை எதிர்கொள்ள வேண்டியிருந்தது.