தவறவிடாதீர்கள்..!உடனே பதிவு செய்யுங்கள்

(எம்.வை.எம்.சியாம்)

மொரட்டுவ பிரதேசத்தில் ஆயுர்வேத மருத்துவ சேவை வழங்கும் நிலையமாக செயல்பட்டு வந்த விபசார விடுதி சுற்றிவளைப்பில் நிலையத்தின் முகாமையாளர் உள்ளிட்ட மூவர் கைது செய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது.

பொலிஸாருக்கு கிடைக்கப்பெற்ற தகவலுக்கு அமைவாக மொரட்டுவ பொலிஸ் பிரிவிற்கு உட்பட்ட  காலி வீதியில் ஆயுர்வேத மருத்துவ சேவை வழங்கும் நிலையம் என்ற போர்வையில் இயங்கி வந்த விபசார விடுதி இவ்வாறு சுற்றிவளைக்கப்பட்டு உள்ளது

இதன்போது நிலையத்தின் முகாமையாளர் உள்ளிட்ட மூவர் பொலிஸாரினால் கைது செய்யப்பட்டுள்ளனர்.

கைது செய்யப்பட்டவர்கள் 42 , 22 மற்றும் 21 வயதுடையவர்கள் எனவும் அவர்கள் எதிலிவெல,தெஹியோவிட்ட மற்றும் தெலிஜ்ஜவில பிரதேசங்களைச் சேர்ந்தவர்கள் எனவும் பொலிஸார் குறிப்பிட்டுள்ளனர். சந்தேகநபர்கள் மொரட்டுவ நீதவான் நீதிமன்றில் ஆஜர் படுத்தப்பட்டுள்ளனர்.

மொரட்டுவ பொலிஸார் மேலதிக விசாரணைகளை முன்னெடுத்துள்ளனர்