முப்படையிலிருந்து சட்டவிரோதமாக தப்பியோடிய 220 பேர்  சரணடைந்துள்ளதாக இராணுவ ஊடகப்பேச்சாளர் பிரிகேடியர் ரொஷான் செனவிரத்ன தெரிவித்துள்ளார்.

சரணடைந்தவர்களில் 150 பேர் சட்டரீதியாக தங்களது சேவைகளில் இருந்து ஓய்வுபெற்றுக்கொண்டுள்ளதாகவும் அவர் சுட்டிக்காட்டியுள்ளார்.

இராணுவத்திலிருந்து தப்பியோடியவர்களுக்கான பொதுமன்னிப்புக் காலம் வழங்கப்பட்டுள்ளமையை அடுத்து கடந்த 3 நாட்களில் இவ்வாறு 150 பேர் சட்டரீதியாக சேவையிலிருந்து விலகியுள்ளனர்.

 இராணுவ அதிகாரி ஒருவர் உட்பட 220 பேர் சட்டரீதியாக தம்மை சேவையிலிருந்து  விலக்குமாறு கோரியிருந்த நிலையில், இதில் 150 பேர் மாத்திரமே சேவையிலிருந்து சட்டரீதியாக விலக்கப்பட்டுள்ளனர்.

இந்நிலையில் மீதமுள்ளவர்களின் சட்டரீதியான செயற்பாடுகள் நிறைவடைந்ததன் பின்னர் விடுவிக்கப்படவுள்ளனர் எனவும் அவர் தெரிவித்தார்.

முப்படையினருக்கான பொதுமன்னிப்புக்காலம் இம்மாதம் 31 ஆம் திகதிவரை நீடிக்கப்பட்டுள்ளமை குறிப்பிடத்தக்கது.