தவறவிடாதீர்கள்..!உடனே பதிவு செய்யுங்கள்

வவுனியா கனகராயன்குளம் பகுதியில் இன்று (24) காலை பஸ் ஒன்றும் பார ஊர்தி ஒன்றும் மோதிக்கொண்ட விபத்தில் பார ஊர்தி சாரதி மற்றும் பஸ்ஸில் பயணித்த பயணிகள் உட்பட பத்திற்கு மேற்பட்டவர்கள் காயமடைந்து  வைத்தியசாலைகளில் அனுமதிக்கப்பட்டுள்ளனர். 

இன்று (24) காலை 5.30 மணியளவில் இடம்பெற்ற விபத்து சம்பவம் தொடர்பில் மேலும் தெரியவருகையில்,

தங்காலையிலிருந்து யாழ்ப்பாணம் நோக்கி சென்ற பஸ் வண்டியும் மாங்குளத்திலிருந்து கனகராயன்குளம் நோக்கி சென்ற பார ஊர்தியுமே மோதிக்கொண்டதில் இவ்விபத்து இடம்பெற்றுள்ளது.

இவ்விபத்தில் டிப்பர் வாகன சாரதி உட்பட பஸ் வண்டியில் பயணித்த பயணிகளும் காயமடைந்த நிலையில் 6 பேர் மாங்குளம் மற்றும் 4 பேர் வவுனியா வைத்தியசாலைகளில் அனுமதிக்கப்பட்டுள்ளனர். 

இவ் விபத்து தொடர்பான மேலதிக விசாரணைகளை கனகராயன்குளம் பொலிஸார் மேற்கொண்டு வருகின்றனர்.