தவறவிடாதீர்கள்..!உடனே பதிவு செய்யுங்கள்

திபெத்தையும் ஜின்ஜியாங்கையும் இணைக்கும் பாலங்களிற்கு இந்தியாவுடன்  கல்வான் பள்ளத்தாக்கில் இடம்பெற்ற மோதலில் உயிரிழந்த சீன இராணுவ வீரர்களின் பெயர்களை சீனா சூட்டியுள்ளது.

கல்வான் பள்ளத்தாக்கு மோதலில் உயிரிழந்த நான்கு இராணுவத்தினரின் பெயர்களை திபெத்தையும் ஜின்ஜியாங்கையும் இணைக்கும் பல பாலங்களிற்கு சீனா சூட்டியுள்ளது.

இந்தியாவுடனான மோதலில் உயிரிழந்த நான்கு சீன படைவீரர்களின் பெயர்கள் 11 பாலங்களிற்கு சூட்டப்பட்டுள்ளன என குளோபல் டைம்ஸ் இணைய படங்களை மேற்கோள்காட்டி செய்தி வெளியிட்டுள்ளது.

கல்வான் பள்ளத்தாக்கில் உயிரிழந்த நான்கு மாவீரர்களின் பெயர்கள் சீனா ஜிஜாங் ஜின்ஜியாங் ஆகிய பகுதிகளை இணைக்கும் பெருந்தெருக்களில் காணப்படுகின்றது என சீன அரசாங்கத்தின் ஊடகம் தெரிவித்துள்ளது.

சீனாவின் அதிகரித்துவரும் தேசப்பற்றை வெளிப்படுத்தும் குறியீடாக மாறியுள்ள நான்கு வீரர்களை கௌரவிக்கும் நினைவுறும் விதத்தில் இது காணப்படுகின்றது என அந்த ஊடகம் தெரிவித்துள்ளது.

இந்தியாவுடனான கல்வான் பள்ளத்தாக்கு மோதலில் கொல்லப்பட்ட இராணுவத்தினரின் பெயர்களை 2021 பெப்ரவரி மாதமே சீனா வெளியிட்டிருந்தது.