தவறவிடாதீர்கள்..!உடனே பதிவு செய்யுங்கள்

(இராஜதுரை ஹஷான்)

செஸ் வரி திருத்தம் பாடசாலை உபகரணங்களின் விலைகளில் தாக்கம் செலுத்தவில்லை. சந்தையில் பாடசாலை பொருட்களின விலை அதிகரிப்பு குறித்து அவதானம் செலுத்தப்பட்டுள்ளது என நிதி இராஜாங்க அமைச்சர் ரஞ்சித் சியம்பலாபிட்டிய  தெரிவித்தார்.

செஸ் வரி அதிகரிப்பினால் பாடசாலை மாணவர்கள் அன்றாடம் பயன்படுத்தும் உபகரணங்களின் விலைகள் பாரியளவில் அதிகரித்துள்ளதாக வெளியிடப்படும் தகவல் தொடர்பில் பாராளுமன்றத்தில் இன்று சனிக்கிழமை (நவ 19) விளக்கமளிக்கையில் இவ்வாறு தெரிவித்த அவர், மேலும் குறிப்பிட்டதாவது,

செஸ் வரி அதிகரிப்பினால், பாடசாலை மாணவர்கள் அன்றாடம் பயன்படுத்தும் உபகரணங்களின் விலைகள் பாரியளவில் அதிகரித்துள்ளதாக குற்றம்சாட்டப்படுகின்றது. 

இறக்குமதி செய்யப்படும் அச்சு மற்றும் அப்பியாச புத்தகங்கள், பென்சில், அழி இறப்பர் உள்ளிட்ட பொருட்களை உற்பத்தி செய்வதற்கான காகிதம் உள்ளிட்ட ஏனைய பொருட்களுக்கு கடந்த 15ஆம் திகதி முன்னெடுக்கப்பட்ட செஸ் வரி திருத்தத்தில் மாற்றம் ஏற்படுத்தப்படவில்லை.

எனவே, செஸ் வரி திருத்தத்தினால் இறக்குமதி மற்றும் உள்ளூர் உற்பத்தியாளர்களினால் பாடசாலை உபகரணங்களின் விலைகளில் எவ்வித அதிகரிப்பும் செய்யப்படவில்லை. 

எனவே, செஸ் வரி திருத்தம், பாடசாலை உபகரணங்களின் விலைகளில் தாக்கம் செலுத்தவில்லை.

தேசிய மட்டத்தில் காலணி மற்றும் புத்தகப்பை இறக்குமதி செய்யப்படுகிறது. தேசிய உற்பத்திகளை மேம்படுத்தும் நோக்கில் இறக்குமதி செய்யப்படும் காலணி மற்றும் புத்தக பை ஆகியவற்றுக்கு வரி விதிக்கப்பட்டுள்ளது.

பாடசாலை உபகரணங்களின் விலை சந்தையில் அதிகரிக்கப்பட்டுள்ளமை குறித்து அவதானம் செலுத்தப்படும் என்றார்.