தவறவிடாதீர்கள்..!உடனே பதிவு செய்யுங்கள்

போலந்தில் எப்படி ஏவுகணை விழுந்து வெடித்தது என்பது குறித்து விசாரணைகள் இடம்பெறவேண்டும் என அவுஸ்திரேலிய பிரதமர் அன்டனி அல்பெனிஸ் வேண்டுகோள் விடுத்துள்ளார்.

பாலியில் இடம்பெறும் ஜி20 உச்சிமாநாட்டின் போது உலக தலைவர்களை சந்தித்துள்ள அவுஸ்திரேலிய பிரதமர்  ஏவுகணைகள் குறித்த விசாரணைகளிற்கு தனது முழு ஆதரவை வழங்குவதாக தெரிவித்துள்ளார்.

விசாரணைகளின் அடிப்படையில் பொருத்தமான நடவடிக்கைகளை எடுக்கவேண்டும் எனவும் அவுஸ்திரேலிய பிரதமர் வேண்டுகோள் விடுத்துள்ளார்.

ரஸ்யாவின் கண்மூடித்தனமான ஆபத்தான படை பிரயோகத்தை கண்டித்துள்ள அன்டனி அல்பெனிஸ் கொல்லப்பட்ட போலந்து நாட்டவர்களின் குடும்பங்களிற்கு தனது ஆறுதலை தெரிவித்துள்ளார்.

 இதேவேளை தான் போலந்து தூதுவருடன் பேசியுள்ளதாக தெரிவித்துள்ள அவுஸ்திரேலிய வெளிவிவகார அமைச்சர் போலந்து மக்கள் அமைதியுடனும் புத்தி;சாலித்தனத்துடனும் செயற்படவேண்டும் என  போலந்து பிரதமர் விடுத்த வேண்டுகோளை பகிர்ந்துகொள்வதாக தெரிவித்துள்ளார்.