தவறவிடாதீர்கள்..!உடனே பதிவு செய்யுங்கள்

(எம்.வை.எம்.சியாம்)

அமைதியான முறையில் எதிர்பினை தெரிவித்து பாதயாத்திரை மேற்கொண்ட இரண்டு பெண் சிவில் செயற்பாட்டாளர்களின் போராட்டத்திற்கு இடையூறு விளைவித்தமை மற்றும் அவர்களை கைது செய்தமை அவர்களின் அடிப்படை மனித உரிமை மீறும் செயற்பாடாகும்.

மேலும் இதன்போது இரண்டு பெண் கான்ஸ்டபிள்கள் மீது அங்கிருந்த பொலிஸ் உயர் அதிகாரி ஒருவர் அவர்கள் இருவரின் கழுத்தை பிடித்து தள்ளும் செயற்பாடு வன்மையாக கண்டிக்கத்தக்கது எனவும் இது தொடர்பில் உடனடியாக விசாரணைகளை மேற்கொண்டு சம்பவத்துடன் தொடர்புடைய பொலிஸ் அதிகாரிக்கு பாரபட்சமின்றி தண்டனை வழங்கப்பட வேண்டும் என்றும் எதிர்க்கட்சியின் பாராளுமன்ற உறுப்பினர் திஸ்ஸ அத்தநாயக்க தெரிவித்துள்ளார்.

திங்கட்கிழமை (14) எதிர்க்கட்சி அலுவலகத்தில்  நடைபெற்ற ஊடகவியலாளர் மாநாட்டில் கலந்து கொண்டு கருத்து தெரிவிக்கும் போதே இதனை அவர் தெரிவித்தார்.

இது தொடர்பில் அவர் மேலும் கூறுகையில்,

பயங்கரவாத தடைச்சட்டத்தின் கீழ் கைது செய்யப்பட்டு வைக்கப்பட்டுள்ள வசந்த முதலிகே, சிறிதம்ம தேரரை விடுதலை செய்ய வலியுறுத்தி பெண்கள் இருவர் பாத யாத்திரை ஒன்றினை முன்னெடுத்திருந்தனர். 

பாத யாத்திரை மூலமாகவோ அல்லது பதாகைகளை ஏந்திய வண்ணம் அமைதியான முறையில் தமது எதிர்ப்பினை வெளியிடுவதற்கு நாட்டிலுள்ள அனைத்து சாதாரண பிரஜைகளுக்கும் உரிமை உள்ளது.

பாதயாத்திரை செல்ல முடியும், பதாகைகளை ஏந்திய வண்ணம் எதிர்ப்பில் ஈடுபட முடியும், கருத்துக்களை முன்வைக்க முடியும், இவை எல்லாம் நாட்டின் அரசியலமைப்பில் உள்ள அடிப்படை மனித உரிமைகளாகும். 

இருப்பினும் குறித்த இரண்டு பெண்களும் பாத யாத்திரை  முன்னெத்திருந்த வேளையில் பல்வேறு சந்தர்ப்பங்களில் பொலிஸாரால் இடையூறு விளைவிக்க பட்டிருந்தது. பாதயாத்திரை தடுப்பதற்கு பொலிஸார் கடும் பிரயத்தனம் காண்பித்தனர். 

பின்னர் அவர்கள் கைது செய்யப்பட்டு பிணையில் விடுவிக்கப்பட்டுள்ளனர். குறித்த இரண்டு பெண்களின் அடிப்படை மனித உரிமைகள், கருத்து வெளிப்பாட்டு உரிமை  மீறப்பட்டுள்ளது. இது பாரியதொரு குற்றமாகும்.

மேலும் இதன் போது அவ்விடத்தில் இருந்த  இரண்டு பெண் பொலிஸ் கான்ஸ்டபிள்கள்  மீது அங்கிருந்த போலீஸ் உயர் அதிகாரி ஒருவர் கழுத்தில் பிடித்து முன்னோக்கி செல்லும் காட்சிகள் ஊடகங்கள் மற்றும் சமூக வலைத்தளங்களில் பரவாலகியிருந்தது.

இருப்பினும் இந்த சம்பவம் பெண்களை அகௌரவமாக நடத்துவதாக அமைந்துள்ளது. இந்நிலையில் பொலிஸ் அதிகாரிகள் இது தொடர்பில் விசாரணைகளை முன்னெடுத்துள்ளோம். 

அறிக்கை சமர்ப்பிப்பதற்கு உள்ளோம் என்பதை கூறிக்கொண்டு இருக்கமால் வெளியாகியுள்ள புகைப்படங்களை மற்றும் வீடியோக்களை கருத்திற்கொண்டு உடனடியாக குறித்த பொலிஸ் அதிகாரிக்கு பாரபட்சமின்றி தண்டனை வழங்க வேண்டும் என்றார்.