தவறவிடாதீர்கள்..!உடனே பதிவு செய்யுங்கள்

(இராஜதுரை ஹஷான்,எம்.ஆர்.எம்.வசீம்)

ஜனாதிபதி ரணில் விக்கிரமசிங்கவை போன்று 2023 ஆம் ஆண்டுக்கான வரவு - செலவுத் திட்டத்தையும் புரிந்துக்கொள்ள முடியாமல் உள்ளது.

வரிக்கு மேல் வரி அதிகரிப்பை நாட்டு மக்களால் தாங்கிக் கொள்ள முடியாது என ஸ்ரீ லங்கா சுதந்திர கட்சியின் பொதுச்செயலாளர் தயாசிறி ஜயசேகர தெரிவித்தார்.

பாராளுமன்றத்தில் இன்று (நவ. 14) திங்கட்கிழமை ஜனாதிபதியால் முன்வைக்கப்பட்ட 2023 ஆம் ஆண்டுக்கான வரவு - செலவுத் திட்டம் தொடர்பில் ஊடகவியலாளர்களுக்கு  கருத்து தெரிவிக்கையில் மேற்கண்டவாறு குறிப்பிட்டார்.

அவர் மேலும் குறிப்பிட்டதாவது,

அரச நிறுவனங்களை மறுசீரமைப்பது தொடர்பில் அரசாங்கம்வரவு - செலவுத் திட்டத்தின் ஊடாக விசேட கவனம் செலுத்தியுள்ளது.

ஶ்ரீலங்கன் எயர்லைன் உள்ளிட்ட லாபம் அடையும் நிறுவனங்களை மறுசீரமைக்க நடவடிக்கை எடுக்கப்படுவது நெருக்கடிகளை அதிகரிக்கும்.

அத்துடன் அரச சேவையாளர்களின் பிரச்சினைகளுக்கு தீர்வு கிடைக்கவில்லை. அதேபோன்று வரிகள் மீது வரிகள் அறவிடும் வரவு - செலவுத் திட்டமாகவே இது காணப்படுகிறது.

ஜனாதிபதி ரணில் விக்கிரமசிங்கவை புரிந்துக் கொள்ளவதை முடியாததை போன்று இந்த வரவு - செலவுத் திட்டத்தின் உள்ளடக்கங்களும் புரிந்துக் கொள்ள முடியாத நிலையில் உள்ளது.

குறுகிய காலத்தில் அரச வருமானத்தை ஈட்டிக் கொள்ளும் வகையில் சமர்ப்பிக்கப்பட்டுள்ள இந்த வரவு - செலவுத் திட்டம் பாதிக்கப்பட்ட மக்கள் குறித்து அவதானம் செலுத்தவில்லை.

பொருளாதார நெருக்கடியில் இருந்து மீள்வதற்காக வரி அதிகரிப்பதாக அரசாங்கம் குறிப்பிட்டது,தற்போது வரவு - செலவுத் திட்டத்திலும் வரி அதிகரிக்கப்பட்டுள்ளது,வரிக்கு மேல் வரி அதிகரிப்பை நாட்டு மக்களால் தாங்கிக் கொள்ள முடியாது என்றார்.