இலங்கை யுவதியொருவரை தாய்லாந்தில் பாலியல் தொழிலில் ஈடுபடுத்தியதாக கூறப்படும் இரு இலங்கை இளைஞர்களை தாய்லாந்து பொலிஸார் கைது செய்துள்ளனர்.

20 வயதுடைய இலங்கை யுவதியை தாய்லாந்தில் பாலியல் தொழிலில் ஈடுபடுத்திய 26 மற்றும் 34 வயதுடைய குறித்த சந்தேகநபர்களின் புகைப்படங்களை அந்நாட்டு பத்திரிக்கையொன்று வெளியிட்டுள்ளது.

குறித்த சந்தேகநபர்கள் மீது தாய்லாந்து பொலிஸார் கடத்தல் மற்றும் பெண்களை பாலியல் தொழிலுக்கு உட்படுத்தல் போன்ற குற்றங்களை தாக்கல் செய்துள்ளனர்.

எனினும்,குறித்த பெண் தன்னுடைய மனைவியென்று கைது செய்யப்பட்டுள்ள சந்தேகநபர்களில் ஒருவர் தெரிவித்துள்ள அதேவேளை,தனக்கு மத்திய கிழக்கில் தொழில் பெற்றுத்தருவதாக கூறி தாய்லாந்துக்கு அழைத்து வந்து இவ்வாறு பாலியல் தொழிலில் ஈடுபடுத்தியதாக குறித்த சம்பவத்தில் பாதிக்கப்பட்ட பெண் தெரிவித்துள்ளமை குறிப்பிடத்தக்கது.