(க. கிஷாந்தன்)
தீபாவளி பண்டிகை நாளை திங்கட்கிழமை 24ஆம் திகதி கொண்டாடப்படவுள்ள நிலையில் இன்றைய தினமும் மலையக பெருந்தோட்டப் பகுதிகளில் உள்ள நகரப்பகுதிகளுக்கு பெருமளவான மக்கள் வருகை தந்திருந்தனர்.
புத்தாடை, உணவுப்பொருட்கள் உட்பட மேலும் பல பொருட்களை வாங்குவதில் ஆர்வம் காட்டினர். இதனால் வியாபாரம் களைகட்டியுள்ளது.
ஹட்டன், தலவாக்கலை, கொட்டகலை, பூண்டுலோயா, நோர்வூட், மஸ்கெலியா, பொகவந்தலாவை, டயகம, புஸல்லாவை, நுவரெலியா, கம்பளை மற்றும் இதர மலையக நகரப் பகுதிகளில் இன்றும் சந்தை களைகட்டியுள்ளதை காண முடிகிறது.
சில பகுதிகளில் மழைக்கு மத்தியிலும் வியாபார நடவடிக்கைகள் சூடுபிடித்திருந்தது.
இன்று (ஒக் 23) ஹட்டனில் அமைந்துள்ள வர்த்தக நிலையங்களில் அதிகளவான மக்கள் கூட்டத்தை காணக்கூடியதாக இருக்கிறது.
இதன்போது அத்தியாவசிய பொருட்களை கொள்வனவு செய்தனர்.
பெருந்தோட்ட பகுதியில் தோட்ட தொழிலாளர்கள் பொருளாதார ரீதியாக பெருமளவில் பாதிக்கப்பட்டுள்ள இந்நிலையில் தீபாவளி முற்பணமாக சில தோட்டங்களில் மாத்திரம் 15,000 ரூபா வழங்கப்பட்ட போதிலும், இம்மக்கள் குடும்பங்களுக்கு தேவையான பொருட்களை கொள்வனவு செய்ய முடியாதிருந்த நிலையையும் இன்று ஹட்டன் நகரில் காணக்கூடியதாக உள்ளது.
பொருட்களின் விலைகள் உச்சம் தொட்டுள்ளதால் கடும் பொருளாதார நெருக்கடிக்கு மத்தியிலேயே தாம் பண்டிகையை கொண்டாடுவதாக மக்கள் தெரிவிக்கின்றனர்.
வருடம் ஒரு முறைதான் பண்டிகை வருகிறது; அதனால்தான் கடன் பட்டாவது கொண்டாடுகிறோம் என சிலர் கூறுவதையும் கேட்க முடிகிறது.
கொழும்பு உட்பட வெளி மாவட்டங்களில் தொழிலுக்குச் சென்றவர்கள், இன்று தமது வீடுகளை நோக்கி திரும்பிக்கொண்டிருக்கின்றனர். இதனால் பொதுப் போக்குவரத்து சேவையும் அதிகரிக்கப்பட்டுள்ளது.
இதன் நிமித்தம் இரவு, பகலாக பொலிஸார் கண்காணிப்புப் பணிகளில் ஈடுபட்டுள்ளமையை காண முடிகின்றமை குறிப்பிடத்தக்கது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM