தவறவிடாதீர்கள்..!உடனே பதிவு செய்யுங்கள்

(சேனையூர் நிருபர்)

வைத்தியர் த. ஜீவராஜின் 'தம்பலகாமம் ஊர்ப்பெயர் ஆய்வு' என்ற வரலாற்று ஆய்வு நூல் திருகோணமலை நகரசபை மண்டபத்தில் எதிர்வரும் 16ஆம் திகதி ஞாயிற்றுக்கிழமை காலை 10.30 மணிக்கு வெளியிடப்படவுள்ளது. 

தம்பலகாமம் பிரதேச செயலாளர் திருமதி ஜே. ஸ்ரீபதியின் தலைமையில் நடைபெறவுள்ள இந்நிகழ்வில் முதன்மை விருந்தினராக திருகோணமலை மாவட்ட மேலதிக அரசாங்க அதிபர் ஜே.எஸ் அருள்ராஜ், சிறப்பு விருந்தினராக திருகோணமலை பிராந்திய சுகாதார சேவைகள் பணிப்பாளர் வைத்தியர் வி. பிரேமானந் ஆகியோர் கலந்து சிறப்பிக்கவுள்ளனர்.

இந்நிகழ்வில் வெளியீட்டுரையினை கலாபூஷணம் வே. தங்கராசா, அறிமுக உரையினை கலாநிதி இ. ஸ்ரீ ஞானேஸ்வரன், நூல் தொடர்பான கருத்துரையினை சற்குணம் சத்யதேவன் ஆகியோர் நிகழ்த்தவுள்ளனர். அத்துடன் கவிஞர் தில்லைநாதன் பவித்திரன் நிகழ்வை தொகுத்து வழங்க இருக்கிறார். 

வரலாற்று ஆர்வலர்கள் அனைவரையும் இந்நிகழ்வில் கலந்து சிறப்பிக்குமாறு ஏற்பாட்டுக் குழுவினர் அன்புடன் அழைக்கின்றனர்.