தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

எகிப்தில் இடம்பெறவுள்ள காலநிலை மாற்றம் தொடர்பான மாநாட்டில் மூன்றாம் சார்ள்ஸ் மன்னன் கலந்து கொள்வதன் முக்கியத்துவம் ஜனாதிபதி ரணில் விக்கிரமசிங்க அவதானம் செலுத்தியுள்ளார்.

குறித்த மாநாடு நவம்பர் 6 ஆம் திகதி முதல் 18 ஆம் திகதி வரை எகிப்தில் நடைபெறவுள்ளது. 

சமூக வலைத்தள ஊடகமொன்று வழங்கிய நேர்காணலிலேயே ஜனாதிபதி இதனைத் தெரிவித்துள்ளார்.

மூன்றாம் சார்ள்ஸ் மன்னன் காலநிலை மாற்றம் குறித்த மாநாட்டில் கலந்து கொள்ளாமலிருப்பதற்கு தீர்மானித்துள்ளதாக பக்கிங்ஹாம் மாளிகை கடந்த 2 ஆம் திகதி அறிவித்திருந்தமை தொடர்பில் கேட்கப்பட்ட கேள்விக்கு பதிலளிக்கும் போதே ஜனாதிபதி இதனைத் தெரிவித்துள்ளார்.

கடந்த ஆண்டு இடம்பெற்ற மாநாட்டில் அதன் தலைவரும் மற்றும் பிரித்தானிய பிரதமருமான லிஸ் ஸ்ரஸ்ட் இன் அமைச்சரவை அங்கத்தவரான ஆலோக் ஷர்மா , மன்னன் சார்ள்ஸ் இம்முறை மாநாட்டில் கலந்து கொள்ள வேண்டும் என்று குறிப்பிட்டிருந்தார்.

எவ்வாறிருப்பினும் குறித்த மாநாட்டில் ஜனாதிபதி ரணில் விக்கிரமசிங்க கலந்து கொள்வார் என்று தெரிவிக்கப்பட்டுள்ளது.