முன்னாள் பாராளுமன்ற உறுப்பினரும், ஐக்கிய தேசியக் கட்சியின் முன்னாள் பொதுச் செயலாளருமான திஸ்ஸ அத்தநாயக்க மேல் நீதிமன்றத்தின் உத்தரவை இரத்துசெய்யுமாறு கோரி மேன்முறையீட்டு நீதிமன்றத்தில் திருத்த பிணை மனுவொன்றினை தாக்கல் செய்துள்ளார்.

பொருத்தமான பிணை அடிப்படையில் தன்னை விடுவிக்குமாறு குறித்த மனுவில் கோரப்பட்டுள்ளார்.

பிணை மனுவொன்றினை கொழும்பு மேல் நீதிமன்றத்தில்  தாக்கல் செய்திருந்த நிலையில் குறித்த பிணை மனு நிராகிரிக்கப்பட்டமை குறிப்பிடத்தக்கது.

கடந்த 2015 ஆம் ஆண்டு ஜனவரி மாதம் இடம்பெற்ற ஜனாதிபதித் தேர்தலின் போது போலியான ஆவணங்களை வெளியிட்டமை மற்றும் 3 குற்றச்சாட்டுக்கள் தொடர்பில் திஸ்ஸ அத்தநாயக்கவை எதிர்வரும் டிசம்பர் 5 ஆம் திகதிவரை விளக்கமறியலில் வைக்குமாறு கொழும்பு மேல் நீதிமன்றம் உத்தரவிட்டுள்ளது.