தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

நாட்டில் நிலவும் சீரற்ற கால நிலை காரணமாக 10 மாவட்டங்களைச் சேர்ந்த 3000 இற்கும் அதிக குடும்பங்கள் பாதிக்கப்பட்டுள்ளன. யாழ்ப்பாணம், நுவரெலியா, கண்டி, மாத்தளை, காலி, அம்பாந்தோட்டை, மாத்தறை, இரத்தினபுரி, கேகாலை மற்றும் கம்பஹா ஆகிய மாவட்டங்களே சீரற்ற காலநிலையால் பாதிக்கப்பட்டுள்ளன.

இம்மாவட்டங்களில் 3194 குடும்பங்களைச் சேர்ந்த 12 829 பேர் பாதிக்கப்பட்டுள்ளனர். இவற்றில் 985 வீடுகள் பகுதியளவில் சேதமடைந்துள்ளன. இதே வேளை 480 குடும்பங்களைச் சேர்ந்த 2313 பேர் பாதுகாப்பான இடங்களில் தங்க வைக்கப்பட்டுள்ளதாக அனர்த்த முகாமைத்துவ மத்திய நிலையம் தெரிவித்துள்ளது.

நிலவும் தென் மேற்கு பருவ பெயர்ச்சி காலநிலை காரணமாக மேல், சப்ரகமுவ, மத்திய மற்றும் வடமேல் மாகாணங்களிலும் , காலி மற்றும் மாத்தறை மாவட்டங்களிலும் இடைக்கிடை மழை அல்லது இடியுடன் கூடிய மழை பெய்யக் கூடும். அத்தோடு கண்டி மற்றும் நுவரெலியா மாவட்டங்களில் 100 மில்லி மீற்றருக்கும் அதிக மழை வீழ்ச்சி பதிவாகக் கூடும் என்று இலங்கை வளிமண்டலவியல் திணைக்களம் எதிர்வு கூறியுள்ளது