தவறவிடாதீர்கள்..!உடனே பதிவு செய்யுங்கள்

பிலிப்பைன்ஸில் அப்ரா மாகாணத்தில் இன்று புதன்கிழமை பயங்கர நிலநடுக்கம் ஏற்பட்டுள்ளதோடு, ஒருவர் உயிரிழந்துள்ளார்.

Photo ; Cervantes LGU

இந்த நிலநடுக்கம் தலைநகர் மணிலா உள்ளிட்ட பல பகுதிகளில் உணரப்பட்டது. ரிச்டர் அளவுகோலில் 7.1 ஆக பதிவாகி உள்ளது. 

இந்த நிலநடுக்கத்தால் வீடுகள் மற்றும் கட்டிடங்கள் குலுங்கியதால் அதிர்ச்சி அடைந்த பொதுமக்கள் வீடுகளை விட்டு வெளியேறி வீதியில் தஞ்சம் அடைந்தனர். 

Photo ; Vigan Cathedral's Facebook page

இந்த நிலநடுக்கத்தால் இடிபாடுகளில் சிக்கி 25 வயது இளைஞன் உயிரிழந்ததாக அப்ரா மாகாணத்தின் துணை ஆளுநர் ஜாய் பெர்னோஸ் தெரிவித்துள்ளார்.

மேலும், 44 பேர் காயமடைந்துள்ளனர்.  70 வீடுகள், 20 அரசு கட்டிடங்கள் மற்றும் மூன்று பாலங்கள் சேதமடைந்ததுள்ளதாக அவர் தெரிவித்துள்ளார்.

Photo ; by Bureau of Fire Protection

பிலிப்பைன்ஸில் 1990-ம் ஆண்டு 7.7 என பதிவான சக்திவாய்ந்த நிலநடுக்கத்தில் சுமார் 2,000 பேர் உயிரிழந்தனர் என்பது குறிப்பிடத்தக்கது.