பாடசாலைகள் 25 ஆம் திகதி ஆரம்பம் - கல்வி அமைச்சு

19 Jul, 2022 | 05:31 PM

(எம்.மனோசித்ரா)

நாடளாவிய ரீதியிலுள்ள சகல அரச மற்றும் அரச அங்கீகாரம் பெற்ற பாடசாலைகளில் கல்வி செயற்பாடுகள் எதிர்வரும் 25 ஆம் திகதி திங்கட்கிழமை ஆரம்பமாகும் என்று கல்வி அமைச்சு அறிவித்துள்ளது.

இது குறித்து கல்வி அமைச்சு வெளியிட்டுள்ள ஊடக அறிக்கையில் ,

நாளைமறுதினம் வியாழக்கிழமை பாடசாலைகளில் கல்வி நடவடிக்கைகள் ஆரம்பிக்கப்படும் என்று கடந்த வாரம் அறிவிக்கப்பட்டிருந்தது. எவ்வாறிருப்பினும் நாட்டில் தொடர்ந்தும் நிலவும் எரிபொருள் தட்டுப்பாடு மற்றும் போக்குவரத்து நெருக்கடிகளின் கரணமாக பாடசாலைகளை 25 ஆம் திகதி ஆரம்பிப்பதற்கு தீர்மானிக்கப்பட்டுள்ளது.

இவ்வாறு பாடசாலைகளை ஆரம்பித்து , கற்பித்தல் செயற்பாடுகளை முன்னெடுத்துச் செல்வதற்காக மாகாண கல்வி செயலாளர்கள் , மாகாண கல்வி பணிப்பாளர்கள், வலய கல்வி பணிப்பாளர்கள் மற்றும அதிபர்கள் உள்ளிட்ட பல தரப்பினருக்கும் ஆலோசனை கோவை வழங்கப்பட்டுள்ளது. அதற்கமைய கற்பித்தல் செயற்பாடுகள் முன்னெடுக்கப்படும் என்று தெரிவிக்கப்பட்டுள்ளது.