மெகா ஸ்டார் சிரஞ்சீவி நடிப்பில் தயாராகி வரும் 'காட் ஃபாதர்' படத்தின் ஃபர்ஸ்ட் லுக் மற்றும் அதற்கான வீடியோ வெளியாகியிருக்கிறது.
அத்துடன் தசரா திருவிழா கொண்டாட்டத்தின் போது இப்படம் பட மாளிகைகளில் வெளியாகும் என்றும் அறிவிக்கப்பட்டிருக்கிறது.
‘தனி ஒருவன்’ படத்தை இயக்கியதன் மூலம் தமிழ் சினிமாவில் தனி தடம் பதித்த இயக்குநர் மோகன் ராஜா இயக்கத்தில் தயாராகி வரும் புதிய திரைப்படம் ‘காட் ஃபாதர்.’ மெகா ஸ்டார் சிரஞ்சீவி கதையின் நாயகனாக நடித்துவரும் இந்த படத்தில் அவருக்கு ஜோடியாக நயன்தாரா நடிக்கிறார்.
இவர்களுடன் பொலிவுட் சூப்பர் ஸ்டார் சல்மான் கான், இயக்குநர் பூரி ஜெகந்நாத், நடிகர் சத்யதேவ் உள்ளிட்ட பலர் நடிக்கிறார்கள். நிரவ் ஷா ஒளிப்பதிவு செய்யும் இந்த படத்திற்கு, எஸ் எஸ் தமன் இசையமைக்கிறார்.
தமிழ், தெலுங்கு, இந்தி, மலையாளம், கன்னடம் என பல மொழிகளில் பிரம்மாண்டாக தயாராகி வரும் இந்த படத்தை கொனிடேலா புரொடக்ஷன்ஸ் மற்றும் சூப்பர் குட் பிலிம்ஸ் என்ற பட நிறுவனங்கள் சார்பில் தயாரிப்பாளர்கள் ஆர். பி சௌத்ரி மற்றும் என். வி. பிரசாத் ஆகியோர் இணைந்து பிரம்மாண்டமான பொருட்செலவில் தயாரிக்கிறார்கள்.
இந்த திரைப்படத்தின் ஃபர்ஸ்ட் லுக்கிற்கான புகைப்படம் மற்றும் வீடியோ, ரசிகர்களிடையே பெரும் எதிர்பார்ப்பை ஏற்படுத்தியிருந்தது. இந்நிலையில் படத்தின் தயாரிப்பாளர்கள் 'காட் ஃபாதர்' படத்தின் ஃபர்ஸ்ட் லுக் போஸ்டர் மற்றும் ஃபர்ஸ்ட் லுக்கிற்கான காணொளி ஒன்றையும் வெளியிட்டுள்ளனர்.
இதில் மெகா ஸ்டார் சிரஞ்சீவி முதன் முறையாக ஸ்போர்ட்ஸ் சால்ட் அண்ட் பெப்பர் லுக்கில் கருப்பு நிற ஆடை அணிந்து நாற்காலியில் தனக்கே உரிய பாணியில் ஸ்டைலாக அமர்ந்தபடி தோற்றமளிப்பது ரசிகர்களை பெரிதும் கவர்ந்திருக்கிறது.
இந்த 'காட் ஃபாதர்' படத்தின் ஃபர்ஸ்ட் லுக்கிற்கான காணொளியுடன் இந்தத் திரைப்படம் நவராத்திரி திருவிழா கொண்டாட்டத்தின் போது வெளியிடப்படும் என்றும் அறிவித்துள்ளனர். இதனால் ரசிகர்களும், திரையுலக வணிகர்களும் உற்சாகமடைந்திருக்கிறார்கள்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM