(எம்.மனோசித்ரா)
குடிவரவு - குடியகல்வு திணைக்களத்தின் ஒரு நாள் சேவையின் கீழ் கடவுச்சீட்டு வழங்கும் பணிகள் நாளை 04 ஆம் திகதி திங்கட்கிழமை முதல் மாத்தறை, வவுனியா மற்றும் கண்டி ஆகிய பிராந்திய அலுவலகங்களில் ஆரம்பிக்கப்படவுள்ளதாக தெரிவிக்கப்பட்டுள்ளது.
அதன் ஆரம்பகட்டமாக ஒவ்வொரு பிராந்திய அலுவலகத்திலும் முன்கூட்டியே நாளொன்றையும் நேரத்தையும் ஒதுக்கிக் கொண்ட விண்ணப்பதாரிகள் 10 பேருக்கு மாத்திரம் இந்த சேவை வழங்கப்படும்.
www.immigration.gov.lk என்ற இணையதளத்திற்குப் பிரவேசித்து உரிய பிராந்திய அலுவலகத்திற்கு விண்ணப்பங்களை ஒப்படைப்பதற்கு நாளொன்றையும் நேரத்தையும ஒதுக்கிக் கொள்ள முடியும்.
மாத்தறை, வவுனியா மற்றும் கண்டி ஆகிய பிராந்திய அலுவலகங்கள் மூலம் சாதாரண சேவையின் கீழ் கடவுச்சீட்டுக்களைப் பெற்றுக் கொள்வதற்காக தற்போது விண்ணப்பதாரிகளுக்கு நாட்கள் மற்றும் நேரங்கள் வழங்கப்பட்டிருப்பதனால் அவர்களுக்கும் சேவைகளை வழங்க வேண்டியுள்ளது.
எனவே அந்த அலுவலகங்களில் விண்ணப்பங்களை ஒப்படைப்பதற்கு முன்கூட்டியே நாளையும் நேரத்தையும் ஒதுக்கிக் கொள்ளாதவர்கள் சமூகமளிக்க வேண்டாம்.
மேலும் குடிவரவு - குடியகல்வு திணைக்களத்தின் பிரதான அலுவலகத்தில் ஒரு நாள் சேவையின் கீழ் கடவுச்சீட்டுக்களை பெற்றுக் கொள்ள எதிர்வரும் 60 நாட்களுக்கான காலப்பகுதிக்கு திகதியும் நேரமும் ஒதுக்கப்பட்டு நிறைவடைந்துள்ளது.
எனவே அவசரமாக தொழில் நிமித்தம் வெளிநாடு செல்லவுள்ள விண்ணப்பதாரிகள் அதனை உறுதிப்படுத்தும் ஆவணங்களை 070 6311711 என்ற தொலைபேசி இலக்கத்திற்கு வட்ஸ்அப் செயலி மூலம் அனுப்ப வேண்டு;ம்.
குறித்த இலக்கத்திற்கு அனுப்பி வைத்த பின்னர் விண்ணப்பங்களை ஒப்படைப்பதற்கு விரைவில் நாளொன்றும் நேரமும் திணைக்களத்தினால் வழங்கப்படும. சமர்ப்பிக்கப்படும் ஆவணங்களின் உண்மை தன்மையை உறுதிப்படுத்திய பின்னரே துரிதமாக நாளொன்றும் திகதியும் வழங்கப்படும் என்று திணைக்களம் மேலும் தெரிவித்துள்ளது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM