தவறவிடாதீர்கள்..!உடனே பதிவு செய்யுங்கள்

இலங்கை மற்றும் சிம்பாப்வே அணிகளுக்கு இடையிலான முதலாவது டெஸ்ட் போட்டியில் இலங்கை அணி 225 ஓட்டங்களால் அபார வெற்றி பெற்றுள்ளது.

இலங்கை- சிம்பாப்வே அணிகள் மோதும் முதல் டெஸ்ட் போட்டி ஹாரரேவில் நடைபெற்றது.

இதில் இலங்கை அணி உபுல் தரங்கா (110), குசால் பெரேரா (110) ஆகியோரின் அபார சதத்தால் முதல் இன்னிங்சில் 537 ஓட்டங்களை குவித்தது.

பின்னர் தனது முதல் இன்னிங்சை ஆடிய சிம்பாப்வே அணி அணித்தலைவர் கிரிமர் (102) சதத்தால் 373 ஓட்டங்கள் குவித்தது.

இதைத் தொடரந்து 164 ஓட்டங்கள் முன்னிலையில் 2வது இன்னிசை தொடங்கிய இலங்கை அணி 4வது நாள் ஆட்டநேர முடிவில் 6 விக்கெட்டுக்கு 247 ஓட்டங்களை பெற்றிருந்த நிலையில் தனது ஆட்டத்தினை இடை நிறுத்திக் கொண்டது.

இதில் தொடக்க வீரர் திமுத் கருணாரத்னே 110 ஓட்டங்கள் எடுத்து அசத்தினார். தவிர, தனஞ்ஜெய டி சில்வா 64 ஓட்டங்கள் எடுத்தார்.

412 ஓட்டங்களை  வெற்றியிலக்காக கொண்டு இன்றைய நாளில் களமிறங்கிய சிம்பாப்வே அணி ஆரம்பம் முதலே துடுப்பாட்டத்தில் தடுமாறியது.

32.5 ஓவர்களில் 100 ஓட்டங்களுக்கு  6 விக்கட்டுக்களை இழந்த சிம்பாப்வே அணி இப்போட்டியினை சமநிலை செய்யும் முயற்சியில் இறங்கியது.

சுமார் 57.8 ஓவர்கள் வரை தன்வசமிருந்த 4 விக்கட்டுக்களை கொண்டு இப்போட்டியினை சமநிலை செய்ய இலங்கை பந்து வீச்சாளர்களிடம் கடுமையாக போராடியது, இருந்தும் இலங்கை அணி பந்து வீச்சாளர்களின் பந்து வீச்சு சிம்பாப்வே அணியின் முயற்சி தோல்வியுற்றது.

சிம்பாப்வே அணி 2 ஆவது இனிங்ஸில் 186 ஓட்டங்களுக்கு சகல விக்கட்டுக்களையும் இழந்தது.

இதனடிப்படையில் 2 டெஸ்ட் போட்டிகளை கொண்ட தொடரில் இலங்கை அணி 1-0 என்ற நிலையில் முன்னிலையில் உள்ளது.

போட்டியின் ஆட்டநாயகனாக சிம்பாப்வே அணி தலைவர் கிரிமர் தெரிவு செய்யப்பட்டார்.

இலங்கை அணி தலைவராக முதல் முறையாக செயற்படும் ரங்கன ஹெரத் முதல் வெற்றி என்பது குறிப்பிடத்தக்கது.