தவறவிடாதீர்கள்..!உடனே பதிவு செய்யுங்கள்

உக்ரைன் நாட்டில் இலத்திரனியல் விற்பனை நிலையம் ஒன்று ஐபோன் விற்பனைக்காக புதிய உத்தி ஒன்றைக் கையாண்டுள்ளது. அதாவது தனது பெயரை ஐபோன் 7 என மாற்றிக்கொள்ளும் முதல் ஐந்து பேருக்கு ஆப்பிள் ஐபோன் 7 கையடக்கத்தொலைபேசி இலவசமாக அளிப்பதாகக்கூறியது.

அலெக்சாண்டர் துரின் என்ற 20 வயது இளைஞர் இந்த சவாலை ஏற்றுக்கொள்வதாக கூறி தனது பெயரை ஐபோன் சிம் (சிம் என்றால் உக்ரைன் மொழியில் 7 என்று அர்த்தம்) என மாற்றிக் கொண்டார். அலெக்சாண்டர் துரின் தனது பெயரை மாற்றிக்கொண்டதைத் தொடர்ந்து அந்த விற்பனை நிலையம் அவருக்கு ஆப்பிள் ஐபோன் 7 ஐ பரிசாக அளித்துள்ளது.

வெறும் 2 டொலர் செலவு செய்து 850 டொலர் மதிப்புள்ள ஆப்பிள் ஐபோனை பரிசாகப் பெற்ற அலெக்சாண்டர் துரின் தனக்கு திருமணமாகி குழந்தை பிறந்த பின்னர் தனது பழைய பெயருக்கு மாறி விடுவேன் என தெரிவித்துள்ளதுள்ளமை குறிப்பிடத்தக்கது.