தவறவிடாதீர்கள்..!உடனே பதிவு செய்யுங்கள்

பதுளையில், நீண்டகாலமாக திருட்டுச் சம்பவங்களுடன் தொடர்புபட்ட நபர் பதுளை மாவட்ட குற்றவியல் தடுப்பு பிரிவினரால் சுற்றிவளைக்கப்பட்டு  திருடப்பட்ட ஒருதொகை பொருட்களுடன் கைது செய்யப்பட்டுள்ளார்.

பதுளை நகரில் உள்ள வீடுகள் மற்றும் கடை தொகுதிகளில் தொடர்ச்சியாக திருட்டு சம்பவங்கள் பதிவாகி வந்தமையை  அடுத்து பிரதேச மக்களால் மாவட்ட பிராந்திய பொலிஸ் நிலையத்திற்கு முறைப்பாடு செய்தனர்.

இதனையடுத்து, தொடர்ச்சியாக தேடப்பட்டு வந்த குறித்த திருட்டு கும்பல், நேற்று (22) பதுளை மாவட்ட குற்றவியல் தடுப்பு பிரிவினரால் சுற்றிவளைக்கப்பட்டு திருடப்பட்ட பொருட்களின் ஒரு தொகுதியை மீட்டுள்ளதோடு, சந்தேகநபர்  ஒருவரையும்  கைது செய்துள்ளனர்.

இவ்வாறு கைது செய்யப்பட்ட சந்தேக நபரை பதுளை மாவட்ட நீதவான் முன்னிலையில் ஆஜர் செய்ய நடவடிக்கை  எடுக்கப்பட்டுள்ளதாகவும், மேலதிக விசாரணைகள் முன்னெடுக்கப்பட்டுள்ளதாகவும் பதுளை மாவட்ட குற்றவியல் தடுப்பு பிரிவின் பொறுப்பதிகாரி  தெரிவித்தார்.