தவறவிடாதீர்கள்..!உடனே பதிவு செய்யுங்கள்

சீனாவின் வா்த்தக தலைநகரான ஷங்காயில்  ஊரடங்கு உத்தரவு இரண்டு மாதங்களுக்கு பிறகு தளர்த்தப்பட்டுள்ளது.

அதன்படி, நேற்று செவ்வாய்க்கிழமை 2 கோடியே 50 இலட்சம்  மக்கள் வசிக்கும் நகரத்தில் பெரும்பாலான மக்கள் சுதந்திரமாக நடமாடுவதற்கு கட்டுப்பாடுகள் தளர்த்தப்பட்டன.

கட்டுப்பாட்டு பகுதிகளில் நிலைமைக்கு ஏற்ப தடுப்பு நடவடிக்கைகளை மேற்கொள்ளவும், ஏறத்தாழ ஆறரை இலட்சம் பேர் தொடர்ந்து தனிமைப்படுத்துதலில் வைக்கப்பட்டு உள்ளதாகவும் தெரிவிக்கப்பட்டுள்ளது. 

ஷங்காயில் கொவிட் ஊரடங்கு  தேசிய பொருளாதாரத்தை பின்னுக்குத் தள்ளியதோடு, பெரும்பாலான மக்களை வீட்டுக்குள் முடக்கியது.

அதேநேரத்தில் இரக்கமற்ற மற்றும் அடிக்கடி குழப்பமான கட்டுப்பாடுகள் நேரடியாகவும், இணையத்திலும்  எதிர்ப்புகளைத் தூண்டியது.

அனைத்து கட்டுப்பாடுகளும் படிப்படியாக நீக்கப்படும் என்று அரசாங்கம் தெரிவித்துள்ளது. சீனாவின் ஒட்டுமொத்தக் கொள்கையான "ஜீரோ கோவிட் திட்டம்" நடைமுறையில் உள்ளது.

பொதுபோக்குவரத்து மீண்டும் ஆரம்பிக்கப்பட்டுள்ளது.  கடைகள் திறக்கப்பட்டுள்ளன, பெரிய கடைகளில் 75 சதவீதமானவர்களுக்கு உட்செல்ல அனுமதி வழங்கப்பட்டுள்ளது. உணவகங்கள் மீண்டும் சேவையை ஆரம்பிக்கலாம் ஆனால் உணவருந்த அனுமதி இல்லை. 

திரையரங்குகள், அருங்காட்சியகங்கள் மற்றும் உடற்பயிற்சி கூடங்கள் தொடர்ந்து மூட உத்தரவிடப்பட்டுள்ளது.