தவறவிடாதீர்கள்..!உடனே பதிவு செய்யுங்கள்

நாட்டின் இருவேறு பகுதிகளில் மேற்கொள்ளப்பட்ட விசேட சுற்றிவளைப்புகளில் ஹெரோயின் மற்றும் ஐஸ் போதைப்பொருளுடன் சந்தேக நபர்கள் மூவர் கைது செய்யப்பட்டுள்ளார்கள். 

சந்தேக நபர்கள் (27) வெள்ளிக்கிழமை கைது செய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது.

முல்லேரியா

முல்லேரியா  பொலிஸ் பிரிவுக்கு உட்பட்ட பிரதேசத்தில் பொலிஸாரால் மேற்கொள்ளப்பட்ட சுற்றிவளைப்பில் 5 கிராம் 20 மில்லிகிராம் ஹெரோயின், 10 கிராம் ஐஸ் போதைப்பொருளுடன் சந்தேக நபர்கள் இருவர் கைது செய்யப்பட்டுள்ளார்கள்.

இவ்வாறு கைது செய்யப்பட்டவர்கள் 24, 26 வயதுடைய அங்கொட பிரதேசத்தைச் சேர்ந்தவர்களாவர். 

குறித்த சந்தேக நபர்களிடமிருந்து 2 இலத்திரனியல் தராசு மற்றும் 3450 பணமும் மீட்கப்பட்டுள்ளதாக பொலிஸார் தெரிவித்துள்ளனர். 

சம்பவம் தொடர்பில் முல்லேரியாவ பொலிஸார் மேலதிக விசாரணைகளை முன்னெடுத்துள்ளனர்.

பொரளை

பொரளை பொலிஸ் பிரிவுக்கு உட்பட்ட பகுதியில் பொலிஸாரால் மேற்கொள்ளப்பட்ட விசேட சுற்றிவளைப்பில் 3 கிராம் 150 மில்லி கிராம் ஹெரோயின் போதைப்பொருளுடன் சந்தேகநபர் ஒருவர் கைது செய்யப்பட்டுள்ளார். 

கைது செய்யப்பட்டவர் 30 வயதுடைய பொரளை பிரதேசத்தைச் சேர்ந்தவராவார். பொரளை பொலிஸார் மேலதிக விசாரணைகளை முன்னெடுத்துள்ளனர்.