நாட்டை நெருக்கடிகளிலிருந்து மீட்பதை முன்னிறுத்தி பிரதமர் ரணில் எடுத்த நடவடிக்கை

Published By: Digital Desk 5

20 May, 2022 | 01:17 PM
image

(நா.தனுஜா)

தற்போதைய பொருளாதார நெருக்கடியிலிருந்து நாட்டை மீட்டெடுப்பதற்கு அவசியமான வெளிநாட்டு உதவிகளை ஒருங்கிணைக்கும் பணிக்குப் பொறுப்பாக பிரதமர் ரணில் விக்ரமசிங்கவினால் மாலைதீவின் முன்னாள் ஜனாதிபதியும் தற்போதைய சபாநாயகருமான மொஹமட் நஷீட் நியமிக்கப்பட்டுள்ளார்.

Image

வெளிநாட்டு உதவிகளை ஒருங்கிணைப்பதன் மூலம் பொருளாதார நெருக்கடியிலிருந்து இலங்கை மீள்வதற்கு அவசியமான உதவியை வழங்குவதற்கு மாலைதீவின் முன்னாள் ஜனாதிபதி மொஹமட் நஷீட் முன்வந்திருந்த நிலையில், அதற்கமைவாகவே இந்த நியமனம் இடம்பெற்றிருப்பதாக பிரதமர் ரணில் விக்ரமசிங்க தெரிவித்துள்ளார்.

இவ்வாறானதொரு பின்னணியில் வெளிநாட்டு உதவிகளை ஒருங்கிணைப்பதற்கான தனது கோரிக்கையை ஏற்றுக்கொண்டமைக்காக பிரதமர் ரணில் விக்ரமசிங்கவிற்கு நன்றி தெரிவித்திருக்கும் மாலைதீவின் முன்னாள் ஜனாதிபதி மொஹமட் நஷீட், இலங்கைக்கு உதவுவது குறித்து தான் மிகுந்த மகிழ்ச்சியடைவதாகவும் இவ்விடயத்தில் தன்னால் இயன்றவரை சிறப்பாகச் செயற்படத்தயாராக இருப்பதாகவும் உறுதியளித்துள்ளார்.

அதேவேளை இந்நியமனம் தொடர்பில் மாலைதீவு ஜனாதிபதி இப்ராஹீம் மொஹமட் சோலி அவரது உத்தியோகபூர்வ டுவிட்டர் பக்கத்தில் செய்திருக்கும் பதிவில் பின்வருமாறு தெரிவித்துள்ளார்:

'இலங்கைக்கான சர்வதேச உதவிகளை ஒருங்கிணைப்பதற்குப் பொறுப்பாக முன்னாள் ஜனாதிபதி மொஹமட் நஷீட் பிரதமர் ரணில் விக்ரமசிங்கவினால் நியமிக்கப்பட்டுள்ளமையை நாங்கள் வரவேற்கின்றோம்.

தற்போதைய நெருக்கடி நிலையிலிருந்து இலங்கை மீட்சியடைவதற்கு அவசியமான உதவிகளை இயலுமான அனைத்து வழிமுறைகளிலும் வழங்குவதற்கு மாலைதீவு தயாராக இருக்கின்றது' என்று அவர் அப்பதிவில் குறிப்பிட்டுள்ளார்.

மேலும் மொஹமட் நஷீட்டின் இந்த நியமனம் தொடர்பில் மாலைதீவின் வெளிவிவகார அமைச்சர் அப்துல்லா ஷஹீட் பின்வருமாறு கருத்து வெளியிட்டுள்ளார்:

'மாலைதீவும் இலங்கையும் நீண்டகாலமாக நட்புறவைப்பேணிவரும் அயல்நாடுகளாகும். அவ்வாறானதொரு நாட்டிற்கு எப்போதும் இயலுமான வழிகளில் அவசியமான உதவிகளை வழங்குவதற்கு நாம் தயாராக இருக்கின்றோம்.

எனவே இலங்கைக்கான சர்வதேச உதவிகளை ஒருங்கிணைப்பதற்குப் பொறுப்பாக முன்னாள் ஜனாதிபதி மொஹமட் நஷீட் பிரதமர் ரணில் விக்ரமசிங்கவினால் நியமிக்கப்பட்டுள்ளமையை வரவேற்கின்றோம்' என்று தெரிவித்துள்ளமை குறிப்பிடத்தக்கது. 

முக்கிய செய்திகள்

icon-left
icon-right

தொடர்பான செய்திகள்

news-image

தோட்டத் தொழிலாளர்களுக்கு அடிப்படை நாட்சம்பளமாக 2000...

2024-03-29 01:56:33
news-image

இணையவழி சிறுவர் துஷ்பிரயோகங்களை அறிக்கையிடும் புதிய...

2024-03-29 01:47:30
news-image

பழுதடைந்த உருளைக்கிழங்கு விவகாரம் : மாகாண...

2024-03-29 01:39:20
news-image

இரண்டு மாதங்களில் 983.7 மில்லியன் ரூபா...

2024-03-29 01:36:37
news-image

இராஜாங்க அமைச்சர் சிவநேசதுரை சந்திரகாந்தன் கிளிநொச்சி...

2024-03-29 01:27:15
news-image

அஜித் நிவாட் கப்ரால் உள்ளிட்ட ஐவருக்கு...

2024-03-29 00:17:44
news-image

தேர்தலை தீர்மானிக்க பஷில் ராஜபக்ஷ தேர்தல்...

2024-03-29 00:05:03
news-image

இரண்டாம் காலாண்டுக்குள் கடன்மறுசீரமைப்பு தொடர்பில் இணக்கப்பாடு...

2024-03-28 21:32:55
news-image

பரந்துப்பட்ட அரசியல் கூட்டணியின் ஜனாதிபதி வேட்பாளராக...

2024-03-28 21:31:49
news-image

தேர்தல் செலவின ஒழுங்குபடுத்தல் சட்டம் குறித்து...

2024-03-28 21:37:50
news-image

நாமலுக்கு இன்னும் காலம் இருக்கிறது ;...

2024-03-28 21:33:56
news-image

பாராளுமன்றத்தைப் பிரதிநிதித்துவப்படுத்தாத பதிவு செய்யப்பட்ட அரசியல்...

2024-03-28 21:26:04