தவறவிடாதீர்கள்..!உடனே பதிவு செய்யுங்கள்

ஏறாவூர் 4ஆம் குறிச்சி பிரதான வீதிப்பகுதியில் அமைந்துள்ள நகைக்கடை உடைக்கப்பட்டு திருடப்பட்டுள்ளது.

சம்பவம் குறித்து ஏறாவூர் பொலிஸ் நிலையத்தில் முறைப்பாடு செய்யப்பட்டுள்ளதாக அதன் உரிமையாளர் தெரிவித்தார்.

இதையடுத்து இன்று புதன்கிழமை சம்பவ இடத்திற்கு சென்ற ஏறாவூர் பொலிஸாரும், பொலிஸ் புலனாய்வுப் பிரிவினரும், சோகோ பொலிஸாரும் இணைந்து விசாரணைகளை மேற்கொண்டிருந்தனர்.

உடனடியாக விசாரணை மேற்கொண்டதில் 2.5 கிராம் நகை திருட்டுப் போயிருப்பது தெரிய வந்திருப்பதாக பொலிஸார் தெரிவித்தனர்.

உறவினர் ஒருவர் மரணித்ததால் குறித்த நகைத் தொழிலகம் கடந்த எட்டு நாட்களாக பூட்டப்பட்டிருந்ததாகவும் எட்டு நாட்கள் கழிந்த நிலையில் இன்று வந்து கடையைத் திறந்தபோது கடை பூட்டு உடைத்து திருடப்பட்டிருப்பது தெரியவந்ததாக கடையின் உரிமையாளர் மேலும் தெரிவித்தார்.

இந்த நகைக்கடைக்கு அருகிலுள்ள மற்றொரு நகைக் கடை கடந்த 2ஆம் திகதி பூட்டு உடைக்கப்பட்டு அங்கிருந்த ஏ.ரி.எம்.வங்கி அட்டை உட்பட இன்னும் சில பொருட்கள் திருடப்பட்டிருந்ததாக பொலிஸார் தெரிவித்தனர்.

இச்சம்பவங்கள் தொடர்பில் ஏறாவூர் பொலிஸார் மேலதிக விசாரணைகளை மேற்கொண்டுள்ளனர்.