(எம்.ஆர்.எம்.வஸீம், இராஜதுரை ஹஷான்)
அரசாங்கத்தின் பெரும்பான்மை பலம் கேள்விக்குள்ளாகியுள்ளது. ஆளும் தரப்பினை காட்டிலும் எதிர்தரப்பின் பலம் அதிகமாக உள்ளது. புதிய அமைச்சரவை நியமிக்கப்பட்டுள்ள நிலையில் ஊடகத்துறை அமைச்சர் நாலக கொடஹேவா பதவி விலகலை கடந்த 20ஆம் திகதியே ஜனாதிபதியிடம் அறிவித்துள்ளார்.
ஜனாதிபதி செயலகத்திற்கு கூட செல்ல முடியாத ஒரே ஜனாதிபதியாக கோட்டபாய ராஜபக்ஷ உள்ளார் என ஐக்கிய மக்கள் சக்தியின் உறுப்பினர் முஜிபூர் ரஹ்மான் சபையில் தெரிவித்தார்.
பாராளுமன்றில் வெள்ளிக்கிழமை (22) உரையாற்றுகையிலேயே மேற்கண்டவாறு குறிப்பிட்டார். அவர் தொடர்ந்தும் கூறுகையில்,
தீவிரமடைந்துள்ள பொருளாதார நெருக்கடிக்கு நடைமுறைக்கு சாத்தியமான எவ்வித தீர்மானங்களையும் முன்வைக்கவில்லை.
அரசாங்கததின் பெரும்பான்மை பலம் தற்போது கேள்விக்குள்ளாகியுள்ளது. அரசாங்கத்திற்கு சாதாரண பலம் மாத்திரமே உள்ளது.
அரசாங்கத்தில் ஒரு தரப்பினர் பிரதமருக்கு ஆதரவு வழங்குவதாக குறிப்பிட்டுக்கொள்கிறார்கள். பிரதமர் தலைமையில் இடம்பெற்ற ஆளும் கட்சி குழு கூட்டத்தில் 88 பேர் மாத்திரம் கலந்துக்கொண்டனர்.
மறுபுறம் ஸ்ரீலங்கா பொதுஜன பெரமுனவின் 10 பின்வரிசை பாராளுமன்ற உறுப்பினர்கள் புதிய பிரதமர் தலைமையில் இடைக்கால அரசாங்கத்தை ஸ்தாபிக்குமாறு ஜனாதிபதிக்கு அறிவுறுத்தியுள்ளார்கள்.
புதிய அமைச்சரவை கடந்த 18 ஆம் திகதி நியமிக்கப்பட்டது. ஊடகத்துறை அமைச்சராக பதவியேற்ற நாலக கொடஹேவா பதவி விலகுவதாக ஜனாதிபதிக்கு அறிவித்துள்ளார். மக்களின் எதிர்ப்பிற்கு மத்தியில் எதனையும் செய்ய முடியாது என்பதை அவர் நன்கு அறிந்துள்ளார்.
ஜனாதிபதி அலுவலகத்திற்கு கூட செல்ல முடியாத நிலைமை ஜனாதிபதிக்கு ஏற்பட்டுள்ளது. நாட்டு மக்கள் அனைவரும் ஒன்றினைந்து கோ ஹோம் கோடா என எதிர்ப்பு தெரிவித்து போராட்டத்தில் ஈடுப்படுகிறார்கள். மக்களின் கருத்திற்கு மதிப்பளித்து ஜனாதிபதி பதவி விலக வேண்டும் என்றார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM