சென்னை சுப்பர் கிங்ஸ் அணிக்கு எதிராக மும்பை டி.வை. பட்டில் விளையாட்டரங்கில் சனிக்கிழமை (09) நடைபெற்ற பகல் - இரவு இண்டியன் பிறீமியர் லீக் இருபது 20 கிரிக்கெட் போட்டியில் 8 விக்கெட்களால் சன்ரைசர்ஸ் ஹைதராபாத் அமோக வெற்றியீட்டியது.
இதன் மூலம் நடப்பு சம்பியன் சென்னை சுப்பர் கிங்ஸ் இந்த வருடம் நான்காவது போட்டியிலும் தொடர்ச்சியாக தோல்வி அடைந்துள்ளது. மறுபுறத்தில் சன்ரைசர்ஸ் ஹைதராபாத் முதலாவது வெற்றியை பதிவுசெய்தது.
சன்ரைசர்ஸ் ஹைதராபாத் சகல துறைகளிலும் பிரகாசித்து இந்த வெற்றியை ஈட்டியது.
இந்தப் போட்டியில் முதலில் துடுப்பெடுத்தாடிய சென்னை சுப்பர் கிங்ஸ் 20 ஓவர்களில் 7 விக்கெட்களை இழந்து 154 ஓட்டங்களைப் பெற்றது.
துடுப்பாட்டத்தில் மொயின் அலி (48), அம்பாட்டி ராயுடு (27), அணித் தலைவர் ரவிந்த்ர ஜடேஜா (23 ஆ.இ.) ஆகிய மூவரே 20 ஓட்டங்களுக்கு மேல் பெற்றனர்.
சன்ரைசர்ஸ் ஹைதராபாத் பந்துவீச்சில் வொஷிங்டன் சுந்தர் 21 ஓட்டங்களுக்கு 2 விக்கெட்களையும் தங்கராசு நடராஜன் 30 ஓட்டங்களுக்கு 2 விக்கெட்களையும் கைப்பற்றினர்.
155 ஓட்டங்களை வெற்றி இலக்காகக் கொண்டு பதிலுக்கு துடுப்பெடுத்தாடிய சன்ரைசர்ஸ் ஹைதராபாத் 17.4 ஓவர்களில் 2 விக்கெட்களை மாத்திரம் இழந்து 155 ஓட்டங்களைப் பெற்று இலகுவாக வெற்றியீட்டியது.
அபிஷேக் ஷர்மாவும் அணித் தலைவர் கேன் வில்லியம்சனும் 89 ஓட்டங்களைப் பகிர்ந்து சிறந்த ஆரம்பத்தை இட்டுக்கொடுத்தனர். வில்லியம்சன் 32 ஓட்டங்களுடன் ஆட்டமிழந்த பின்னர் ராகுல் த்ரிபாதியுடன் 2ஆவது விக்கெட்டில் 55 ஓட்டங்களைப் பகிர்ந்த அபிஷேக் ஷர்மா 75 ஓட்டங்களுடன் ஆட்டமிழந்தார்.
த்ரிபாதி 39 ஓட்டங்களுடன் ஆட்டமிழக்காதிருந்தார்.
இப் போட்டியில் முதல் தடவையாக இணைத்துக்கொள்ளப்பட்ட இலங்கையின் மஹீஷ் தீக்ஷன 4 ஓவர்கள் பந்துவீசி 31 ஓட்டங்களைக் கொடுத்து விக்கெட் எதனையும் வீழ்த்தவில்லை. முக்கேஷ் சௌதரி 30 ஓட்டங்களுக்கு ஒரு விக்கெட்டையும் ட்வேன் ப்ரவோ 29 ஓட்டங்களுக்கு ஒரு விக்கெட்டையும் கைப்பற்றினர்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM