முன்னாள் சம்பியன் மும்பை இண்டியன்ஸுக்கு எதிராக பூனே விளையாட்டரங்கில் புதன்கிழமை நடைபெற்ற ஐபிஎல் இருபது 20 கிரிக்கெட் போட்டியில் பெட் கமின்ஸ் குவித்த அதிரடி சதத்தின் உதவியுடன் கொல்கத்தா நைட் ரைடர்ஸ் 5 விக்கெட்களால் அபார வெற்றியீட்டியது.
இந்த வெற்றியுடன் அணிகள் நிலையில் கொல்கத்தா நைட் ரைடர்ஸ் முதலாம் இடத்தை அடைந்துள்ளது.
இவ் வருட ஐபிஎல் போட்டியில் மும்பை இண்டியன்ஸ் இதுவரை விளையாடிய 3 போட்டிகளிலும் தோல்வி அடைந்து 9ஆவது இடத்தில் இருக்கின்றது.
மும்பை இண்டியன்ஸினால் நிர்ணயிக்கப்பட்ட 162 ஓட்டங்களை வெற்றி இலக்காகக் கொண்டு பதிலுக்கு துடுப்பெடுத்தாடிய கொல்கத்தா நைட் ரைடர்ஸ் 16 ஓவர்களில் 5 விக்கெட்களை இழந்து குறித்த வெற்றி இலக்கை அடைந்தது.
14ஆவது ஓவரில் ஆடுகளம் நுழைந்த பெட் கமின்ஸ் 14 பந்துகளில் அரைச் சதத்தை பூர்த்தி செய்து கொல்கத்தாவின் வெற்றியை உறுதிசெய்தார்.
15 பந்துகளை எதிர்கொண்ட பெட் கமின்ஸ் 6 சிச்ஸ்கள், 4 பவுண்ட்றிகள் அடங்கலாக 56 ஓட்டங்களைப் பெற்று ஆட்டமிழக்காதிருந்தார்.
ஆரம்ப வீரர் வெங்கடேஷ் ஐயர் நிதானத்துடன் துடுப்பெடுத்தாடி ஆட்டமிழக்காமல் 50 ஓட்டங்களைப் பெற்றார்.
இவர்கள் இருவரும் பிரிக்கப்படாத 6ஆவது விக்கெட்டில் 17 பந்துகளில் 61 ஓட்டங்களைப் பகிர்ந்தனர்.
மற்றைய துடுப்பாட்ட வீரர்களான அஜின்கியா ரஹானே (7), அணித் தலைவர் ஷ்ரேயாஸ் ஐயர் (10), சாம் பில்லிங்ஸ் (17), நிட்டிஷ் ரானா (8), அண்ட்றே ரசல் (11) ஆகியோர் பிரகாசிக்கத் தவறினர்.
மும்பை பந்துவீச்சில் முருகன் அஷ்வின் 25 ஓட்டங்களுக்கு 2 விக்கெட்களையும் டைமல் மில்ஸ் 38 ஓட்டங்களுக்கு 2 விக்கெட்களையும் கைப்பற்றினர்.
இப் போட்டியில் முதலில் துடுப்பெடுத்தாடிய மும்பை இண்டியன்ஸ் 20 ஓவர்களில் 4 விக்கெட்களை இழந்து 161 ஓட்டங்களைப் பெற்றது.
மிகவும் எதிர்பார்க்கப்பட்ட அணித் தலைவர் ரோஹித் ஷர்மா (3), இஷான் கிஷான் (14), டிவோல்ட் ப்ரெவிஸ் (29) ஆகிய மூவரும் துடுப்பாட்டத்தில் பிரகாசிக்காதது அணிக்கு பெரும் நெருக்கடியை கொடுத்தது. (55 - 3 விக்.)
எனினும் சூரியகுமார் யாதவ், திலக் வர்மா, கிரன் பொலார்ட் ஆகிய மூவரும் துடுப்பாட்டத்தில் திறமையை வெளிப்படுத்தி மும்பையின் மொத்த எண்ணிக்கைக்கு பலம் சேர்த்தனர்.
சூரியகுமார் யாதவ் 36 பந்துகளில் 56 ஓட்டங்களையும் திலக் வர்மா 27 பந்துகளில் ஆட்டமிழக்காமல் 38 ஓட்டங்களையும் பெற்றனர். இவர்கள் இருவரும் 4ஆவது விக்கெட்டில் 83 ஓட்டங்களைப் பகிர்ந்தனர்.
இவர்களைவிட அதிரடியில் இறங்கிய கீரன் பொலார்ட் 5 பந்துகளை மாத்திரம் எதிர்கொண்டு 3 சிக்ஸ்களுடன் 22 ஓட்டங்களைக் குவித்து ஆட்டமிழக்காதிருந்தார்.
கொல்கத்தா பந்துவீச்சில் பெட் கமின்ஸ் 49 ஓட்டங்களுக்கு 2 விக்கெட்களை வீழ்த்தினார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM