(என்.வீ.ஏ.)
லாகூர் கடாபி விளையாட்டரங்கில் கணிசமான மொத்த ஓட்டங்கள் குவிக்கப்பட்டதும் 2 அணிகளிலும் 3 சதங்கள் பெறப்பட்டதுமான சர்வதேச ஒருநாள் கிரிக்கெட் போட்டியில் அவுஸ்திரேலியாவை 6 விக்கெட்களால் பாகிஸ்தான் வெற்றிகொண்டது.
இரண்டாவது போட்டியில் ஈட்டப்பட்ட இந்த வெற்றியுடன் 3 போட்டிகள் கொண்ட சர்வதேச ஒருநாள் கிரிக்கெட் தொடரை பாகிஸ்தான் 1 - 1 என சமப்படுத்திக்கொண்டது.
அவுஸ்திரேலியாவினால் நிர்ணயிக்கப்பட்ட 349 ஓட்டங்களானது பாகிஸ்தான் இரண்டாவதாக துடுப்பெடுத்தாடி பெ ற்ற சாதனைமிகு அதி கூடிய எண்ணிக்கையாகும்.
இதற்கு முன்னர் பங்களாதேஷினால் 2014 ஆசிய கிண்ணத்தில் நிர்ணயிக்கப்பட்ட 327 ஓட்டங்களே பாகிஸ்தான் எட்டிப்பிடித்த அதிகூடிய வெற்றி இலக்காக இருந்தது.
அவுஸ்திரேலியா சார்பாக பென் மெக்டர்மட் கன்னிச் சதம் குவித்த போதிலும் பாகிஸ்தான் சார்பாக இமாம்-உல்-ஹக், அணித் தலைவர் பாபர் அஸாம் ஆகியோர் குவித்த சதங்கள் அதனை வீண்போகச் செய்தன.
இரண்டு அணிகளிலும் ஆரொன் பின்சைத் தவிர ஏனைய முன்வரிசை வீரர்கள் துடுப்பாட்டத்தில் அபார ஆற்றல்களை வெளிப்படுத்தியிருந்தனர்.
அப் போட்டியில் முதலில் துடுப்பெடுத்தாடிய அவுஸ்திரேலியா 50 ஓவர்களில் 8 விக்கெட்களை இழந்து 348 ஓட்டங்களைக் குவித்தது.
அணித் தலைவர் ஆரொன் பின்ச் 3ஆவது பந்தில் ஓட்டம் பெறால் ஆட்டம் இழந்தபோதிலும் ட்ரெவிஸ் ஹெட், பென் மெக்டர்மட் ஆகிய இருவரும் 2ஆவது விக்கெட்டில் 162 ஓட்டங்களைப் பகிர்ந்து அணியை வீழ்ச்சியிலிருந்து மீட்டனர்.
ட்ரவிஸ் ஹெட் 6 பவுண்ட்றிகள், 5 சிக்ஸ்களுடன் 89 ஓட்டங்களைப் பெற்று ஆட்டமிழந்த பின்னர் பென் மெக்டர்மட், மார்னுஸ் லபுஸ்சான் ஆகிய இருவரும் 3ஆவது விக்கெட்டில் 74 ஓட்டங்களைப் பகிர்ந்தனர்.
மெக்டர்மட் 10 பவுண்ட்றிகள், 4 சிக்ஸ்களுடன் 104 ஓட்டங்களையும் லபுஸ்சான் 59 ஓட்டங்களையும் பெற்றனர், அவர்களைத் தொடரந்து மார்க்கஸ் ஸ்டொய்னிஸ் 49 ஓட்டங்களைப் பெற்றார்.
பாகிஸ்தான் பந்துவீச்சில் ஷஹீன் ஷா அப்றிடி 63 ஓட்டங்களுக்கு 3 விக்கெட்களைக் கைப்பற்றினார்.
பதிலுக்கு துடுப்பெடுத்தாடிய பாகிஸ்தான் 49 ஓவர்களில் 4 விக்கெட்களை இழந்து 349 ஓட்டங்களைப் பெற்று அமோக வெற்றியீட்டியது.
பக்கார் ஸமான், இமாம்-உல்-ஹக், பாபர் அஸாம் ஆகியோரின் அதிரடி துடுப்பாட்டங்கள் பாகிஸ்தானை இலகுவாக வெற்றிபெறச்செய்தன.
பக்கார் ஸமான் 64 பந்துகளில் 7 பவுண்ட்றிகள், 2 சிக்ஸ்களுடன் 67 ஓட்டங்களைப் பெற்றதுடன் இமாம்-உல்-ஹககுடன் ஆரம்ப விக்கெட்டில் 118 ஓட்டங்களைப் பகிர்ந்தார்.
2ஆவது விக்கெட்டில் பாபர் அஸாமுடன் மேலும 109 ஓட்டங்களைப் பகிர்ந்த இமாம்-உல்-ஹக் 97 பந்துகளில் 6 பவுணட்றிகள், 3 சிக்ஸ்களுடன் 106 ஓட்டங்களைப் பெற்று ஆட்டமிழந்தார்.
பாபர் அஸாம் 83 பந்துகளை மாத்திரம் எதிர்கொண்டு 11 பவுண்ட்றிகள் ஒரு சிக்ஸுடன் 114 ஒட்டங்களைக் குவித்தார்.
அவர்களை விட மொஹம்மத் ரிஸ்வான் 23 ஓட்டங்களையும் குஷ்தில் ஷா ஆடடமிழக்காமல் 27 ஓட்டங்களையும் பெற்றனர்.
அவுஸ்திரேலிய பந்துவீச்சில் அடம் ஸம்ப்பா 71 ஓட்டங்களுக்கு 2 விக்கெட்களைக் கைப்பற்றினார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM