7 நாடுகள் பங்கேற்கும் சார்க் நீர்நிலை போட்டிகள் கொழும்பில் இன்று ஆரம்பம்

Published By: Robert

18 Oct, 2016 | 09:30 AM
image

தெற்­கா­சிய விளை­யாட்டுப் போட்­டி­களின் ஒரு அங்­க­மான நீர்­நிலை போட்­டிகள் கொழும்பு சுக­த­தாச உள்ளக நீச்சல் தடாக அரங்கில் இன்று ஆரம்­ப­மா­க­வுள்­ளன.

இலங்­கையில் முதல்­மு­றை­யாக நடத்­தப்­ப­டு­கின்ற இந்தப் போட்­டி­களில் மொத்தம் 7 நாடுகள் பங்­கு­பற்றுகின்­றன.

இன்று மாலை 5 மணிக்கு கொழும்பு சுக­ததாச உள்­ளக நீச்சல் தடாக அரங்கில் விளை­யாட்­டுத்­துறை அமைச்சர் தயா­சிறி ஜய­சே­கர தலை­மையில் ஆரம்­ப­மா­க­வுள்ள தெற்­கா­சிய நீர்­நிலை விளை­யாட்டுப் போட்­டி­களின் முதல் நாளில் இலங்கை மற்றும் இந்­திய அணி­க­ளுக்­கி­டை­யி­லான வோட்டர் போலோ போட்டி நடை­பெ­ற­வுள்­ளது.

அத்­தோடு நீர்­நிலை விளை­யாட்­டுக்­க­ளுக்கே உரித்­தான பல கண்­கவர் நிகழ்ச்­சி­களும் ஏற்­பாடு செய்­யப்­பட்­டுள்­ளன.

இலங்கை, இந்­தியா, பாகிஸ்தான், பங்­க­ளாதேஷ், மாலைத்­தீ­வுகள், ஆப்­கா­னிஸ்தான் மற்றும் நேபாளம் ஆகிய நாடுகள் இதில் கலந்­து­கொள்­கின்­றன. இன்று ஆரம்பமாகும் இப்போட்டிகள் எதிர்­வரும் 23ஆம் திகதி வரை கொழும்பு சுக­த­தாச உள்­ளக நீச்சல் தடாக அரங்கில் நடை­பெ­ற­வுள்­ளன. 

எட்­டா­வது தெற்­கா­சிய நாடான பூட்டான் இந்தப் போட்­டி­களில் கலந்­து­கொள்­ளாது என்றும் அறி­விக்­கப்­பட்­டுள்­ளது.

சார்க் நீர்நிலை விளையாட்டுக்களை இலங்கையில் நடத்துவது குறித்து கருத்து வெளியிட்ட விளையாட்டுத்துறை அமைச்சர் தயாசிறி ஜயசேகர, நீச்சல் விளை­யாட்டில் மாத்­திரம் 38 வகை­யான போட்­டிகள் நடத்­தப்­ப­டு­வதால், இது பதக்கம் ஒன்­றினை பெறக்­கூ­டிய வாய்ப்­புக்கள் அதி­க­மாக காணப்­படும் விளை­யாட்­டுக்­களில் ஒன்­றாகும். எனவே 2020ஆம் ஆண்டு டோக்­கி­யோவில் நடை­பெ­ற­வுள்ள ஒலிம்பிக் போட்­டி­களை கருத்தில் கொண்டு நாம் எமது நட­வ­டிக்­கைகளை முன்­னெ­டுத்தால் வெற்­றி­களைப் பெறு­வ­தற்கு எமக்கு நல்ல சந்தர்ப்பம் உள்ளது என்றார்.

இந்தப் போட்­டிகள் வெவ்­வேறு வயது மட்­டங்­களில் இடம்­பெ­று­வ­துடன், மொத்­த­மாக 7 நாடு­களைச் சேர்ந்த 400 விளை­யாட்டு வீரர்கள் பங்­கேற்­க­வுள்­ளனர். இதில் இலங்கை சார்­பாக 160 போட்­டி­யா­ளர்கள் பங்­கேற்­கின்­றனர். 

இதில் முக்­கி­ய­மாக திறந்த வெளி நீச்சல் போட்டி (Open water swimming) ஒன்றும் நடை­பெ­ற­வுள்­ளது. இந்தப் போட்டி கொழும்பு காலி முகத்­திடல் கடலில் 15 கிலோ­ மீற்­றர்­தூரம் நீச்சல் போட்­டி­யாக நடை­பெ­ற­வுள்­ளமை குறிப்­பி­டத்­தக்­கது. 

முக்கிய செய்திகள்

icon-left
icon-right

தொடர்பான செய்திகள்

news-image

19 வயதின் கீழ் ஆஸி. அணியை...

2024-03-28 20:03:31
news-image

இலங்கை கால்பந்தாட்ட அணி, ஜனாதிபதியை சந்தித்தது

2024-03-28 17:49:42
news-image

எஸ்.எஸ்.சி.யின் 125 வருட கொண்டாட்ட விழா...

2024-03-28 13:22:56
news-image

பங்களாதேஷுடனான 2ஆவது டெஸ்ட்: உபாதைக்குள்ளான ராஜித்தவுக்குப்...

2024-03-28 13:22:16
news-image

19இன் கீழ் மகளிர் மும்முனை கிரிக்கெட்...

2024-03-28 00:56:33
news-image

சாதனைகள் படைக்கப்பட்ட ஐபிஎல் போட்டியில் மும்பையை...

2024-03-28 00:04:56
news-image

சில்ஹெட் டெஸ்டில் தலா 2 சதங்கள்...

2024-03-27 22:22:22
news-image

இலங்கையில் மகளிர் ரி20 ஆசிய கிண்ண...

2024-03-27 22:09:33
news-image

குஜராத்தை வீழ்த்தி இரண்டாவது நேரடி வெற்றியை...

2024-03-27 01:34:06
news-image

ஐ.பி.எல் 2024 : குஜராத் டைட்டன்ஸ்...

2024-03-26 23:43:35
news-image

ஸ்ரீ லயன்ஸ் அழைப்பு வலைபந்தாட்டப் போட்டியில்...

2024-03-26 19:25:58
news-image

பூட்டானை வீழ்த்தியது இலங்கை : கால்பந்தாட்டத்திலிருந்து...

2024-03-26 16:48:31