தவறவிடாதீர்கள்..!உடனே பதிவு செய்யுங்கள்

விஜய் நடிப்பில் தயாராகி வரும் 'பீஸ்ட்' படத்தின் வெளியீட்டு திகதியை படத் தயாரிப்பு நிறுவனம் அதிகாரபூர்வமாக அறிவித்திருக்கிறது.

இயக்குநர் நெல்சன் திலீப்குமார் இயக்கத்தில் தயாராகி வரும் புதிய திரைப்படம் 'பீஸ்ட்' . நடிகர் விஜய் கதையின் நாயகனாக நடித்திருக்கும் இந்த படத்தில், அவருக்கு ஜோடியாக பொலிவுட் நடிகை பூஜா ஹெக்டே நடித்திருக்கிறார். 

இவர்களுடன் செல்வராகவன், யோகிபாபு, சைன் டாம் சாக்கோ, ஜான் விஜய், விடிவி கணேஷ், அபர்ணா தாஸ், சதீஷ், ரெடின் கிங்ஸ்லி, சுனில் ரெட்டி உள்ளிட்ட பலர் நடித்திருக்கிறார்கள். மனோஜ் பரமஹம்சா ஒளிப்பதிவு செய்திருக்கும் இந்த படத்திற்கு அனிருத் இசை அமைத்திருக்கிறார்.

படத்தில் இடம்பெற்ற 'அரபி குத்து' பாடல் வெளியாகி 200 மில்லியனுக்கும் மேற்பட்ட பார்வையாளர்களால் பார்வையிடப்பட்டு, புதிய சாதனையை படைத்தது. இதனைத்தொடர்ந்து இப்படத்தில் இடம்பெற்று விஜய் பாடிய 'ஜாலி ஓ ஜிம்கானா..' என்ற பாடல் வெளியான 24 மணி நேரத்தில் 20 மில்லியனுக்கு மேற்பட்ட பார்வையாளர்களால் பார்வையிடப்பட்டு புதிய சாதனை படைத்திருக்கிறது.

இந்நிலையில் படத்தின் இறுதிகட்ட பணிகள் நிறைவடைந்து தணிக்கை குழுவின் சான்றிதழை பெற்றிருக்கும் பீஸ்ட் படத்தின் வெளியீட்டு திகதி அதிகாரப்பூர்வமாக அறிவிக்கப்பட்டிருக்கிறது. அந்தவகையில் எதிர்வரும் ஏப்ரல் மாதம் 13ஆம் திகதியன்று' பீஸ்ட்: உலகம் முழுவதும் பட மாளிகைகளில் வெளியாகிறது. இதனால் விஜய் ரசிகர்கள் உற்சாகமடைந்து இந்த செய்தியை இணையத்தில் வைரலாக்கி வருகிறார்கள்.